Oihokolola yobooloha yovanhu vahamano ovo tava tamanekwa shi na sha vati nekengelelo nokudengela odi peisho kehangano lopashiwana lomahooli laNamibia ledina National Petroleum Corporation of Namibia (Namcor) kakwa li ya ungwaungwa nayo nawa, haende osho a ti ngaho momhangu yopombada Etitano.
Eshi kwa li ta yandje ehokololo kovapanguli vavali, Eleen Rakow naPhilanda Christiaan efiku etivali loihokolola kombinga yetalululoindilo li li ominge nokwaanyena ovatamanekwa vahamano obooloha, haende Sisa Namdnje okwa ti: “Nefimaneko linene, ohandi twikile nokupula, ‘Okwa li ngaa tu na lela omhangu momhangu yamangestrata?’ oshipofa pokati kepangelo novakwashiwana, oihokolola yopaveta.
Enyamukulo lakula: ‘Ahawe, kakwa li nandenande tu na’.” Okwa twikila: “Otwa li tu na imwe oyo ya li olwaamambinga naayo kwa li inai pyokona.”
Namandje oo a kalela po Peter naMalakia Elindi, natango okwa ti: “ omupanguli ile omukwateli komesho ina kala e lile po okuhafifa. . . . ngeno okwa li ndi li poundingosho ngeno ohandi ti omamhagu oyo kwa li tu na okwa li i lile po okuhafifa, nefimaneko.”
Ovakwateli komesho voipofa nava tale nawa omaufemba ovanhu ndee “inave litula unene koipolopolo yokomalungula”, Namandje osho vali a ti ngaho.
Metokolo laye lobooloha, olo kwa li la yandjwa lwopexulilo laSeptemba odula yadja ko mangestrata Linus Samunzala okwa ti kutya nande opu na oumbada kutya ovatamanekwa otashi dulika va faduke po ile va ka piyaaneke eembangi depangelo ile omakonakono opolifi itashi kala mouwa woshiwana ile woilonga yoveta okupewa obooloha.
Epangelo otali ti kutya ovatamanekwa okwa li va kwatelwa mekengelelo, oulingilingi noimbuluma ikwao ya ningwa eshi ehangano lomahooli Enercon Namibia omo Peter naMalaki va li ve na mo oipambuliko, la landifa oitashi yomahooli keekamba detanga leameno laNamibia koshitai shaNamcor, Namcor Petroleum Trading and Distribution, keemiliyona di li N$53.2 muJuli 2022.
Epangelo natango otali ti kutya Namcor okwa li ta kengelelwa eshi Enercon nehangano limwe lomahooli, Erongo Petroleum, a landa omahooli kuNamcor, a pitilila oshimaliwa osheengunga odo a pitikwa a pewe nokwa dopa okufutila oikwamahooli oyo a landa.
Omutamaneki wepangelo Basson Lilungwe Etitano okwa ti kutya Samunzala okwa tala kutya oshipofa eshi osha kula shi fike peni, ta tale koshimaliwa sha dja koNamcor nokwa li sha futwa komavalululo eembanga da yooloka da kwatakanifwa novatamanekwa aveshe kakele kuMulunga ndee ta mono kutya itashi kala shi li mouwa woshiwana oku va pa obooloha.
Kombinga yelandife po loitaashi yomahooli keemiliyona N$53.2, Lilungwe okwa ti kutya Enercon ina heka ashike naNamcor, shaashi ina mona nande oumwene womaliko aa, “ashike okwe mu kengelela filufilu”.
Ovatamanekewa ava vahamano inava longa kooumwe ashike ova longela kumwe, Lilungwe osho a ti ngaho.“Ohatu ti aveshe ova lya koshikuki shimwe,” osho a ti ngaho.
Rakow naChristiaan ova undulila omhangu yetokolo lavo kombinga yetalululoindilo eli lovatamanekwa vahamano komafiku 27 Marsa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
