Elelodoolopa laDivundu Etivali ola yela kutya oifuta yedu olo la landwa koshiwana kelelodoolopa oi li nale metifa.
Oshinima eshi okwa li sha kolekwa kukamusela woshikandjoohololo shaMukwe Damian Maghambayi.
Maghambayi okwa li ta nyamukula komukanda wa dja kongudu yovakwashiwana koDivundu, ovo tava ti kutya vahapu vomuvo inava futwa natango okudja ngaa momudo 2016.
“Konima nda mona omukanda, onda pandula ovahololimadilaadilo eshi va wanifa po oufemba wavo wopaudemokoli ngaashi u li mekotamhango laNamibia. Onda kufa yoo omhito di va lombwele kombinga yoshikumungu shoifuta,” Osho a ti ngaho.
Maghambayi okwa fatulula kutya elelodoolopa ola tameka nale okufuta, ta pula oshiwana shi lididimike shaashi oifuta otai ningwa kwa landulwa omusholondodo.
Okwa ti kutya shelikolelela kouyelele, omupopiliko waavo tava nyenyeta oku li umwe womwaavo kwa li va futwa nale.
Momukanda wavo, omupopiliko Marando Dikuwa okwa pula oifuta ya wana po nekufe ko lomukulunhuwiliki Maghumbo Ndjamba eshi vati ina wilika nawa nokulandifa po edu puhe na ediminino okudja koovene valo eshi e va twala kedu lihe na omeva, oundjwo nolusheno.
Dikuwa natango okwa lundila Maghambayi kutya okwa yandja ouyelele koshiwana omanga ine u tumina koministili oyo i na oshinakuwanifa.
“Kamusela wopashitopolwahoololo Damian Maghambayi okwa tameka okuyandja ouyelele komalungula, omanga ouyelele inau fika kuminista nangoloneya va nyamukule, okwa nyamukula kuwo moikundaneki,” Osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
