Ohanana (1) oyo kwa li vati ya kwatwa po ombabyona popepi noshipangelo shepangelo mOkahao Etivali oya monika.
Oya hangika i li nawa nomutanakwa okwa tulwa moipandeko.
She likolelela komukulunhu wopolifi moshitopolwahoololo shaMusati komisina Ismael Basson, oshiningwanima osha ningwa momafiku 21 Apiilili lwopotundi 17H30 mOkahao.
“Otaku tiwa vati ina yokaana nomutamanekwa, ovo aveshe ve li ovakwashiwana vaAngola ova shakena modoolopa yaKahao ndee tava paafana eenomola deengodi,” Basson ta ti.
Basson okwa weda po kutya manga tava ende pamwe, ina yokaana okwa dimbulula kutya onghaku yako i mwe oya wa ko, ndee ta pula omutamanekwa e mu kwatele okaana manga te i shikula.
Eshi aaluka, vati okwa hanga omutamanekwa nokaana kaye aveshe va ya.
“Manga kwa li tava ende pamwe ina okwa dimbulula kutya onghaku yokaana imwe oya kana ko komadi.
Vati okwa pula nee omutamanekwa e mu kwatele okaana manga ta ka shikula onghaku yako.
Eshi aaluka, opo e va fiya ineva hanganga po,” osho a ti ngaho.
Ina yokaana okwa dengela nee omutamanekwa.
Vati okwa kufa po, ta ti okwe mu teelela komesho, manga ongodi ine i dima.
Opolifi okwa li ya shiivifilwa.
Tai tameke okuninga okahanda, oko ka eta opo omutamanekwa nokaana aveshe va monike.
