Ohamba yaBelgium oya henuka epulo laMbumba lokukufa po eendjidikila dokawe kaRussia

Ohamba Philippe yaBelgium natango inai tya ko sha kepulo lapelesidente Nangolo Mbumba li na sha neendjidikila dokulanda okawe ka longwa moRussia.

Russia okwa li a temeka oita naUkraine muFebuluali momudo 2022.

Belgium oku na oshinakuwanifa shokutula moilonga eendjidikila edi.

Mbumba Etivali okwa lombwela ohamba kutya eendjidikila edi otashi dulika di kale da nyika oshiponga keliko loilongo yaAfrika ngaashi, Namibia, Botswana nAngola oyo hai longo okawe.

“Etokolo e li ola nyika oshiponga keliko letu shaashi otali twala pombada eendado notali nghundipaleke emanguluko lomalandifo pokati koilongo yetu,” Osho a ti ngaho.

Namibia oshilongo shimwe shomoilongo yokoumbuwanhu waAfrika osho shi li pombada mokulonga okawe, odula ya dja ko Namibia okwa li a longa eekalate dokawe di li 2,3 miliyona osho kwa li sha eta okuya pombada neepelesenda 9 okuyelakanifa needula da dja ko.

Omwaalu wa xuuninwa oo kwa li wa yandjwa koDe Beers, Namdeb owa ti okawe okwa li ka ya pombada neepelesenda 14 eedula da dja ko.

Natango, Debmarine Namibia okwa li ya longa okawe momudo 2023 ka ya pombada neepelesenda 13 momudo 2022.

Mbumba okwa hala oilongo ei opo i ninge po sha osho itashi kumu omalandifilo oilongo yaAfrika momukalo wii.

Endjidikila oda kwa tela mo oilongo i li iheyali osho sha kuma Namibia neenghono.

“Moshinima shi li ngaho, ohatu pula opo ku kundafanenwa oinima oyo tai kandula po oupyakadi. Otwe lineekela mwoove nomouhamba waBelgium,” Mbumba osho a ti ngaho.

Ohamba inai nyamukula ko komapopyo aMbumba, ashike oya kala ashike ya tala kekwatafano loilongo ei ivali kombinga yoproyeka yogreen hydrogen.

“Eedjo edi otadi eta elunduluko koikwanghono, osho shi li pondodo yopombada moinima yeni yepangelo.

Ogreen hydrogen otai ka vatela okuxwepopaleka eemhepo domewalangado odo da kaka unene ngaa koshitopolwa shOkombaye nefuta, osho tashi ka eta oplanete yetu i kale onhele iwa koinamwenyo oyo i li mo,” Osho a ti ngaho.

EKWASHILIPALEKO LOSHILI

Russia ita dulu vali okulandifa okawe koilongo ngaashi Canada, America, France, United Kingdom, Italy, Japan naGermany (G7).

Natango, ehangano lopamaxupilo loilongo yaEuropa oli li oshilyo inashi valulwa.

Oshivike sha dja ko, omutwe wehangano Namibia Diamond Trading Company (NDTC), Brent Eiseb, okwa ti omaupyakadi amwe, ongeshefa yokawe oya taalela oupyakadi wokuungaunga nomilandu odo da tulwa po di li ominge nokawe kaRussia.

Omundjadjukununi woikwapolotika Ndumba Kamwanyah, okwa ti Namibia na kale a kotoka ngee ta longo noilongo yaEuropa.

“Osha fimana kutya etalelepo lohamba moNamibia oli na sha nomauwa e na sha nomumbwe yoikwanghono.”