Nujoma Foundation ota shunitha oshimaliwa shoka a pewa ku Namangol Investments

E WILIKONGUNDU lyaSam Nujoma Foundation olya popi kutya oli ilongekidhila oku shunitha oshimaliwa sho N$20 000 shoka sha li sha pewa ehangano ndika ku Namangol Investments.

Ewilikongundu ta li popi ngeyi kutya ota li ka ninga ngaaka meendelelo shampa owala kwa gandjwa elombwelo kutya oshimaliwa shoka na shi pewe lye. Namangol okwa patwa pakathimbo mOmpangu yOpombanda konima sho kwa monika kutya okwa dhana onkandangala moshinima shekano lyoshimaliwa shoomiliyuna 30 dha SSC shoka a li a gandja shi ka pungulwe mu Avid Investments.Ominista yUuyuuki Pendukeni Iivula-Ithana okwa pititha omushangwa nguka oshiwike sha zi ko.Okwa yelitha kutya ewilikongundu lya Sam Nujoma Foundation inali tseya kwali kutya oshimaliwa sho N$310 000 shoka omukuluntuwiliki gwa Namangol, Nico Josea, a uvaneke okugandja omagano kOsenda ndjoka otashi vulika sha yakwa moshigwana.Omushangwa gwa Minista Ithana tagu ti kapu na nando ethimbo limwe ngoka a li nale Omupresidende Sam Nujoma a li a pula opo Namangol a gandje oshimaliwa ku Sam Nujoma Foundation.Ithana ta ti kutya Josea okwa gandja oshimaliwa shoka pamaiyuvo ge mwene.Pethimbo a li ta gandja uuyelele mOmpangu yOpombanda, Josea okwa li a popi kutya okwa li a dhiladhila okugandja oshimaliwa sho N$310 000 muule woomvula ntano, ta ningi nee ha gandja ko kashona nakashona.Aniwa sigo onena ndjika Josea okwa gandja owala oshimaliwa kuyo miipambu iyali, N$15 000 mu Apilili, no N$5 000 mu Mei.Josea okwa ningi euvaneko lyokugandja oshimaliwa shika ku Sam Nujoma Foundation mu Febuluali.Elalakano lya Sam Nujoma Foundation okugandja omakwatho oshali koongundu ndhoka dha mona iihuna omathimbo ga zi ko nosho wo aantu mboka ye na ombuto yoHIV-AIDS, oothigwa nosho wo aantu yalwe mboka itaya vulu okwiikwatha yoyene mu Namibia.Namangol okwa patwa pakathimbo mOmpangu yOpombanda konima sho kwa monika kutya okwa dhana onkandangala moshinima shekano lyoshimaliwa shoomiliyuna 30 dha SSC shoka a li a gandja shi ka pungulwe mu Avid Investments.Ominista yUuyuuki Pendukeni Iivula-Ithana okwa pititha omushangwa nguka oshiwike sha zi ko.Okwa yelitha kutya ewilikongundu lya Sam Nujoma Foundation inali tseya kwali kutya oshimaliwa sho N$310 000 shoka omukuluntuwiliki gwa Namangol, Nico Josea, a uvaneke okugandja omagano kOsenda ndjoka otashi vulika sha yakwa moshigwana.Omushangwa gwa Minista Ithana tagu ti kapu na nando ethimbo limwe ngoka a li nale Omupresidende Sam Nujoma a li a pula opo Namangol a gandje oshimaliwa ku Sam Nujoma Foundation.Ithana ta ti kutya Josea okwa gandja oshimaliwa shoka pamaiyuvo ge mwene.Pethimbo a li ta gandja uuyelele mOmpangu yOpombanda, Josea okwa li a popi kutya okwa li a dhiladhila okugandja oshimaliwa sho N$310 000 muule woomvula ntano, ta ningi nee ha gandja ko kashona nakashona.Aniwa sigo onena ndjika Josea okwa gandja owala oshimaliwa kuyo miipambu iyali, N$15 000 mu Apilili, no N$5 000 mu Mei.Josea okwa ningi euvaneko lyokugandja oshimaliwa shika ku Sam Nujoma Foundation mu Febuluali.Elalakano lya Sam Nujoma Foundation okugandja omakwatho oshali koongundu ndhoka dha mona iihuna omathimbo ga zi ko nosho wo aantu mboka ye na ombuto yoHIV-AIDS, oothigwa nosho wo aantu yalwe mboka itaya vulu okwiikwatha yoyene mu Namibia.