Omuprima minista Elijah Ngurare okwa londwela kutya okufaula nokulonga eeproyeka depangelo kwa enda kashona kwovanailonga vepangelo ita ke kulididimikilwa nandenande.
Okwa li ta popi koshoongalele shovanailonga mombelewa yomuprima minista Omaandaxa.
“Itatu popile nande okufaula, okuninga oinima ondilo nokuya komesho neeproyeka momayakulo epangelo kwa enda kashona.
Omikalondjiikilile adishe, ngaashi oulingilingi, okudengela odi peisho, olwaamambinga, oukwamuhoko, okutala kutya omunhu okwa dja koshitopolwahoololo shilipipo nai kalwe kokule nayo ngee taku yandjwa omayakulo,” osho a ti ngaho.
Ngurare okwa ti omhepo ‘yaOne Namibia, One Nation’ nai wilike ovanailonga vepangelo.
Okwa ti ngee kapu na oushili nekufombinga lamana mo lovanailonga, epangelo itali dulu okulonga nawa.
Ngurare okwa lombwela ovawiliki aveshe meembelewa depangelo va kwashilipaleke kutya ova yandja oilongifo ya pumbiwa kovanailonga vepangelo opo va dule okukwatela po epangelo noilonga yalo aishe.
“Omudingonoko woilonga nau kale wa amenwa notau yambidida, ndee oilongifo aishe oyo ya pumbiwa neyambidido nali yandjwe.
Nakuyandjwe omadeulo. Konima yaayishe, ovanailonga vepangelo novaleli vopapolitika navo ovanhu,” osho a ti ngaho.
Omuprima minista okwa ti ovanailonga vepangelo inava dina oinima oyo ya fimana tai lalakanene okuyambula po eenghalamwenyo dOvanamibia, ta weda ko kutya eyandjo lomayakulo nekalelepo loinima oinima i lili popepi moshinima omu.
Okwa indila ovanailonga vaha taleko enghonopeko neemhango nomaliumbato awa la fa oshinima sha shoneka omunhu paumwene, ashike omukalo wokukelela omapuko monakwiiwa.
“Longeni alushe noushili muhe na nande omalalakano inaa yuka.
Okuninga omapuko oshinima hashi ningwa kovanhu, ashike natu lihongele komapuko a tya ngaha opo tuha kale hatu a endulula,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
