Omuprima minsita Elijah Ngurare okwa kwashilipaleka oilyo yopaliamente noshiwana ashishe koonono kutya epangelo oli na omahooli a wanena eemwedi nhatu komesho.
Okwa ti presidente Netumbo Nandi-Ndaitwah okwa ulika ongudu yovanambelewa i tale kutya otapa ningwa shike nokuwilika oita oyo i li pokati kaIran, America naIsrael.
Ngurare okwa li ta nyamukula kepulo lapresidente wongudu yoPopular Democratic Movement, McHenry Venaani momutumba wopashiwana Etivali.
Venaani okwa ti kutya nande minista woikwafaabulika, oikwamina noikwanghono Modestus Amutse okwa kwashilipaleka kutya omungulilo yomahooli opashiwana oi na omahooli a wanena eemwedi nhatu komesho, okwa hala okuuda eemangela depangelo dokukwashilipaleka kutya Namibia i na mana po omahooli aye nongeenge opu na ongudu ya ulikwa owina i ungaunge noshikumungu shokulanda omahooli.
“Eeno, omufimanekwa okwa endelela a kwashilipaleke kutya otwa tameka nokutala komikalo di lili a kwashilipaleke kutya oshinima eshi inashi tu kuma momukalo wii,” Ngurare osho a ti ngaho.
“Heeno osha kuma keshe oshilongo.
Onda hala okukwashilipaleka oilyo noshilongo ashishe kutya epangelo otali ungaunga noshikumungu eshi novakufimbinga va yooloka navo ova dingilila oshikumungu eshi ndee pefimbo la wapala ohatu ka dula okuyandja ouyelele kutya otaku talwa keenghendabala dilipipo,”
Okwa indila oilyo yomutumba wopashiwana i longe nawa nokutwa oshiwana omukumo shi kale sha ngungumana.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
