Minista owilonga noyeendifo Veikko Nekundi Etitatu okwa ti omaumbo ile eefuleta depangelo inadi kala nokufilwa oshisho ndee ovo ve li mo nave a lande po ile ngee hasho nava dje mo.
Okwa ti oshinima eshi otashi xulu muJune ndee ngee sha xulu, omaumbo otaa ka yandjwa po kovanailonga vepange vamwe ndee ngee inaa mona oovene otaa ka landifwa po.
Nekundi okwa li ta nyamukula omapulo okudja kungoloneya mukulu woshitopolwahoololo shaHardap Salomo April kombinga yomalimbililo kutya ovo ve li momaumbo epangelo moshitopolwahoololo shaHardap ova pewa omikanda tadi pula va dje mo, nande ohava longifa oimaliwa yavo va wapaleke omaumbo oo.
“Oshinima eshi osha kula ndee keshe umwe ota dulu okutwa kumwe naame.
Eepelesenda di li 99.9 domaumbo neefuleta depangelo, odo di li monghalo ihe fi iwa kapu na omunhu e difila oshisho.
Omaliko epangelo hasho e na okukwatwa ngaho. Natu yelelwe kutya kashi fi oufemba ashike efilonghenda,” osho a ti ngaho.
Nekundi okwa ti epangelo itali dulu okutwikila nokufuta eendjabi kovanailonga ovo hava di momaumbo epangelo ashike otava dopa oku a fila oshisho, ta weda po kutya onghalo ei oya eta edudakano ndee itai lididimikilwa vali.
Okwa ti kutya opu na ovanailonga vepangelo vahapu ovo ihava di momaumbo epangelo, ta weda po kutya ovanhu ova pitikwa ashike va kale momaumbo omo fiyo opomido 60, ndee ngee va fiye po oilonga tava di mo.
“Ova pewa ehoololo.
Otava tambula ko oshinima eshi ndee tava lande po omaumbo aa fyee otwe lidja navo osho.
Ongee ashike wa hala. Ashike ito dulu okukala mo omangha ino hala okulanda. Oshinima eshi osha yeuluka fiyo opexulilo laJune,” Nekundi osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
