Minsta woilonga noyeendifo Veikko Nekundi Etitano okwa patulula opate yeekilomita di li 16 yEngoyi-Omuntele.
Eshi kwa li ta popi komukunda Omuntele moshitopolwahoololo shaShikoto,Nekundi okwa ti oproyeka ei oi li pamwe nondjodifaneko yoshilongo yekwatelemo, eyokomesho nelunduluko.
“Elalakano lakula loproyeka ei okwa li okuyambula po eendjila komikunda, okushonopeka efimbo lomalweendo, okuyambula po eameno lopate nokushonopeka oshimaliwa shokuwapaleka oihauto yeni yongushu nosho yo opate okuptila mokutunga opate tai dulu okuxupa keshe monghalo yomhepo,” osho a ti ngaho.
Opate oyo ya longwa pamufika paife oya teelelika yeete omauwa ahapu opaliko nopanghalafano kovakalimo vomEngoyi, Oshikulu, Lihandhi, Ondjaba, Okakoto, Okaputa, Okandombo nomikunda dopopepi nokuxwepopeka eendjila dokuya keekilinika, keefikola, komandiki opaunamapya nounaimuna nosho yo komayakulo a wedwa po a fimana.
“Ondjila otai pitike omalweedo awa okuya komayakulo a fimana … tai nghonopeke omakwatafano opashiwana nokukufa ombinga meyambukepo lokomikunda, eameno nenghonopeko leliko,” Nekundi osho a ti ngaho.
Okwa londwela ovakalimo vaha tunge nande peenhele opo pa fanekwa tapa ka enda opate, ta ti kutya omatungo atya ngaho otaa ka kufwa po puhe na nande ofuto yasha ngaashi oveta tai ti.
Nekundi okwa shiivifa kutya epagelo ola mona oshimaliwa shokuwedelifa opate okudja kOmuntele okupitila muAmilema fiyo okOmuthiya, ta weda po kutya oilonga otai ka tameka diva.
Kamusela woshikandjohoololo shaMuthiya Sacky Nangula okwa tambula ko eyambukepo eli, ta ti opate ipe otai kwatakanifa nokuyambula po eemhito deliko moshitopolwahoololo.
“Otai ka xwepopeka omalweendo oyeendifo nokuyambula po omalweendo moshitopolwahoololo, tai ningi okumona omayakulo kupu nokweeta omauwa aalushe koshiwana shomomudingonoko,” osho a ti ngaho. – NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
