Kamusela woshikandjohoololo shaMuthiya Erastus Nekomba okwa holola kutya okwe lilongekida okuungaunga nomikundu dakeshe efiku odo tadi hepeke ovakalimo vomoshikandjohoololo neudo.
Nekomba, momapulaapulo noNampa Etitano, okwa ti oikumungu ngaashi omumbwe yomeva, oumutwe voshilongo, eeproyeka domayambulepo itadi i komesho neemhito dopaliko da ngabekwa oda pumbwa omulandu wopamuhanga nowopauyelele, okupitila melongelokumwe novakufimbinga, epangelo noshiwana.
“Omumbwe yomeva moshikandjohoololo oya piyaana neenghono. Ovakalimo noimuna otai fi enota, oshinima osho hashi denge alushe oshitopolwahoololo shaShikoto pefimbo lokwenye,” osho a ti ngaho.
Okwa weda po kutya ombelewa yaye oya popya nale novakufimbinga opo va yambidide eenghendabala depangelo, noya pula va kufe ombinga moinima ngaashi okuninga eemboola dipe, okutunga eendama nokuyambula po eeendungu dopamufyuululwakalo di ye pondodo yoshinanena.
Ovakwashiwana, okwa ti, kave na omikanda dopashiwana, osho tashi i omayakulo noufemba wavo moshipala. Oshinima eshi otashi kumu nai ovanhu ovo tava mono oixuna.
Nekomba okwa ti kutya ombelewa yaye fiyo opapa oya vatela ovanhu vahamano, mwa kwatelwa vavali okudja moshiwana shovayelele, okumona omikanda neyambidido loministili yomatembu.
Okwa ti vali ota longo noudiinini opo a endelelife eeproyeka odo inadi pwa opo di manifwe pefimbo, ta kwashilipaleke eyokomesho tali twikile noidjemo i li xwepo yoshiwana.
“Onda popya novakufimbinga va yooloka kombinga yokweeta oshiputudilo shehongo lopombada oku, ashike ngee oshinima eshi sha ningwa, ohandi ke shi kundafana vali moule,” osho a ti ngaho.
Kombinga yeliko, Nekomba okwa ti oku wete kutya otashi ka enda nawa kombinga yenghonopeko leengeshefa domoshikandjohoololo okupitila meepolohalama donhumba palongelokumwe neeministili da yooloka nomahangano.
Okwa yeleka kutya eeproyeka domoshikandjohoololo otadi ka tala tete kovanhu ovo tava dulu okulonga oilonga oyo moshitopolwahoololo, tashi xwaxwameke ouyuki nokukaleka omauwa eliko taa dingonoka mOmuthiya.
“Ngee oshimaliwa sha kala nokudingonoka moshitopolwa, ohashi eta eyambukepo nokuyambula po ovanhu vetu,” osho a ti ngaho.
Nekomba okwa indila nokupula ovanangeshefa va tale eemhito adishe odo di li moshikandjohoololo opo va yambulepo eengeshefa nokutota eemhito doilonga dovakalimo tadi kalelele.
Ta popi elitulemo laye mepangelo liwa, okwa udaneka kutya ombelewa yaye otai ka yambula po ondodo yopombada yelongo lopauyelele, omo omaundjuu oshiwana nekufombinga tali ka fimanekwa mokuninga omatokolo e na sha nouwa woshiwana.
“Eenghundafana noshiwana nekufombinga la manguluka oinima ya fimana momulandu wetu,” osho a ti ngaho.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
