Presidente Netumbo Nandi-Ndaitwah okwa ti kutya ovakainhu tava wilike eembelewa dakula mepangelo nomopolitika oshi li oumbangi kelitulemo laNamibia tali twikile mokufitika omwaka woukakwashikekookanhu melelo.
Oshinima eshi okwe shi popya koshoongalele shakula tashi dimbuluka oshikando oshitimilongo nhatu shoshoongalele oshitine shopaunyuni kombinga yovakainhu Omaandaxa moNew York, United States.
Namibia oku na Nandi-Ndaitwah ongomupresidente, Lucia Witbooi omupedu presidente, Saara Kuugongelwa-Amadhila omunashipundi womutumba wopashiwana, naSophia Shaningwa hamushangandjai woSwapo.
Nandi-Ndaitwah okwa ti kutya Namibia okwa pata eepelesenda di li 81.1 domwaka waye wopaukakwashikekookanhu, e li ponomola onhihetatu mounyuni noku li ponomola yotete muAfrica ngaashi olopota yopaunyuni yoipambele youkakwashikekookanhu tai ti.
“Otwa ulika ehalo lakola lopapolitika okupitila meenghendabala dopaunyuni.
Eyokomesho letu moshikondo shekwatelemo mopolitika nokulundulula eeveta ola hololwa kwaashi notali holola elitulemo letu lakola lokuhanga eyokomesho mokunghonopeka ovakainhu.
“Otashi etifa eenghono okupopya kutya mOkabinete omu na eepelesenda dovakainhu di li 57 nomomutumba wopashiwana omu na eepelesenda di li 38.5, mwa kwatelwa eeministili da fimana ngaashi yoshimaliwa, ehongo, yomakwatafano opaiwana neengeshefa,” osho a ti ngaho.
Okwa twikila nokutambula ko kutya nande oshilongo osha ya komesho, elelo natango oli shii nawa kutya oilonga ihapu oi li komesho.
Onghee nee, opu na omhito yokuninga omalunduluko peenhele dimwe.
“Kombinga yoinima yetu yopashiwana, eshi oshi li unene kombinga yokukwatela mo ovakainhu meliko, unene ngaa ovakainhu vokoitopolwa yokomikunda ovo natango vehe li moinyangadalwa yopaliko.
Omikundu dopamaxupilo otadi twikile, eemhito da ngabekwa dokumona omikuli, edu neengeshefa, eepelesenda di li 70 dovalandifi vomomalukanda odo vakainhu, unene ngaa ovakainhu ovanyasha,” osho a ti ngaho.
Nandi-Ndaitwah okwa ti, oikumungu ei oi li tai ungaungwa nayo okupitila momulandu wopashiwana wefikopamwe lopaukakwashikekookanhu nouyuki womudo 2025-2035, oo tau xwaxwameke eemhito dokumona eliko di fike pamwe, omadeulo neepolohalama ngaashi eengeshefa dishona dovakainhu di yambidide ovakainhu mokuninga oiyemo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
