Presidente Netumbo Nandi-Ndaitwah okwa ti oshilongo nashi kufe oshihopaenenwa komukumo noukumwe wa hololwa kOmbara Kahimemua Nguvauva, oo kwa li a dipawa momudo 1986, nosho yo kovakondjeli manguluko vakwao.
Eshi kwa li ta popi pedimbuluko lomido 130 loBattle of Otjunda kOkahandja Oshoondaxa, Nandi-Ndaitwah okwa yandja efimaneko kuNguvauva, te mu ufana kutya okwa li omuleli e na omayele nomukumo oo aanya oilonga yaGerman youkoloni ndele ta popile ovanhu vaye.
“Nguvauva okwa londwela oshiwana shaye kombinga youpyakadi wovakolonyeki ovo va li moshilongo ndee ta indile ovaleli vopamufyuululwakalo va fikame moukumwe va amene edu laNamibia liha kufwe ko.”
Okwa ti eshi Namibia tai fanwa ‘edu lomapenda’ osha dja momayambo ovaleli ngaashi Nguvauva, oo aanya okuliyandja ndee tashi twaalele omwenyo waye.
Nandi-Ndaitwah okwa indila oshiwana shi amene omahangano oudemokoli oshilongo, shi yambule po oveta nokuxwaxwameka eenghundafana dopambili mokukandula po eenamanana.
Okwa indila yoo momalelo opamufyuululwakalo a fimaneke onghalonawa yoshiwana nokuyambidida oinima yomayambukepo oyo i li pamwe nomalalakano epangelo nOmukanda omutihamano wOmafaneko Omayambukepo Opashiwana.
Presidente okwa popya yo vali elitulemo lepangelo lokulongela kumwe novaleli vopamufyuululwakalo va nghonopeke omakwatafano opanghalafano nokukwashilipaleka kutya omayambukepo aa hanga oikololo aishe yoshilongo.
Kombinga yeenghundafana domadipayo a nyanyaleka naGermany, okwa ti eenghundafana kombinga yoshikumungu eshi, ombili noifuta natango odi li metifa nokwa holola etelameno kutya otaku hangwa eudafano diva.
Nandi-Ndaitwah natango okwa twa Ovanamibia omukumo va fimaneke ondjokonona yoonakuningwa oihakanwa vomadipayo a nghi na onghenda nomapendafule opashiwana pakuxwaxwameka oukumwe, ediminafanepo nelitulemo laaveshe mokutunga oshiwana tashi i komesho nawa sha kwatela mo ovanhu aveshe.
