Omukulunhu wiliki woministili yomauyelele nomakwatafano opaunghoba Audrin Mathe okwa ti Namibia ota ka dimbuluka efiku laye lomadipayo a nghi na nghenda oshikando shotete koParliament Garders.
Efiku otali ka tyapulwa mokudimbulukwa omadipayo a nyanyaleka oo a ningilwa Ovanama nOvaherero kuGermany konima yeedula di li 100 da pita.
Eshi kwa li ta popi noDesert FM Etivali, Mathe okwa ti oshitufi eshi otashi ka ningwa oshoondaxa yepangelo pambelewa, popepi noAlte Feste, onhele imwe yomeenhele odo kwa li omadipayo aa a ningilwa.
“Oto dimbulukwa kutya, Alte Feste, oi li popepi noParliament Garners. Natango, shaashi eshi oshivilo patululo, oshitufi eshi oko tashi ka ningilwa oko, ndee hatu ningi nee omatokolo kombinga yaa ko tashi ka ningilwa oshikando tashi landula,” Osho a ti ngaho.
Mathe okwa ti, omalongekido oshivilo eshi okwa kala e li metifa oivike ihapu, ngee kashi fi eemwedi. Okwa popya kutya opu na omafaneko okupopya payukililo noiwana oyo ya kumwa koshinima eshi.
Okwa ti epangelo ola kala nokukundafana novaleli vopamufyuululwakalo voiwana oyo opo shi kale oshivilo sha kwatela mo ovanhu aveshe osho sha fimaneka ominyonena adishe da ningwa.
“Ashike eshi twa yuka pexulilo loshivike, okutameka moshivike tashi ya, otu na okukala hatu dulu okuyandja ouyelele uhapu, unene ngaa kutya opolohalama otai monika i li ngahelipi naau ta ka kala ta popi.
Osha wana paife okupopya kutya ovaleli vetu vopashiwana otava ka holoka.
Ovaleli voiwana oyo ya kumwa koshinima eshi navo otava ka holoka,” Mathe osho a ti ngaho.
Okwa weda po kutya efiku lokudimbulukwa omadipayo a nghi na nghenda ola dja kokule meenghundafana kombinga yalo momudo 2016, osho sha eta epangelo li shiivife momudo 2024 kutya efiku eli otali ka dimbulukiwa momafiku 28 Mei 2025 lwotete mondjokonona.
“Eepelesenda di lwopo80 dOvanama okwa li da dipawa pefimbo loshiningwanima eshi ndee nOvaherero okwa li vashonopekwa fiyo opeepelesenda 50 doshiwana shavo.
Kashi fi ashike okudipaya ovanhu ashike natango okunyeka ovanhu omadu osho sha eta oluhepo loshiwana mokati kovanhu,” Mathe osho a ti ngaho. Okwa weda po kutya ovanhu okwa li va kufwa omadu avo ndee tava undulilwa mombuwa va ka fye.
Mathe okwa pula ovanhu opo va konge omikalo diwa va tambule ko efiku lokudimbuluka omadipayo a nghi na nghenda, natango ta pula oshiwana opo shi longife omhito ei shi lipule kutya osha ninga eedula 35 sha manguluka paife ndee ovanhu aveshe kave na omadu.
“Okudja momudo 1990, epangelo ola kendabala okulanda edu nokupotokonona omikundu doiwana oyo ya kumwa koshinima eshi, ashike ondado luhapu ohai kala i li pombada unene ngee tali landifwa kepangelo.
Edu longushu yeemiliyona N$4 paife ohali kosho eemiliyona N$12.
Otwa pumbwa eenghundafana doshili nghee epangelo tali dulu okumona nokutukula edu,” Mathe osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
