Minista woundjolowele nomayakulo opanghalafano Esperance Luvindao okwa koleka elitulemo laNamibia lokuyambula po omapekapeko oHIV-AIDS nokunghonopeka eemhito dokumona omayakulo opaundjolowele ku fike pamwe.
Luvindao okwa li ta popi omutenya wEtivali pefimbo lepatululo lo19th International Conference osho sha li kombinga yepango loHIV, nghee omikifi hadi uya nonghee di na okukelelwa.
“Etumba linene oku mu tambula ko amushe koshoongalele shoHIV-AIDS shaAfrica eshi. Eholokepo leni apa otali holola elitulemo lopamuhanga mokuyambula po omapekapeko opaunongononi nokuyambula ouyuki wokumona eemhito domayakuloo oHIV-AIDS.”
Luvindao okwa ti Namibia ota twikile okulonga a kwashilipaleke kutya oku na osystema yomayakulo opaundjolowele a patulukila keshe umwe, tai longifa ouyelele wa kolekwa notai lalakanene ovanaudu.
Okwa weda po kutya oshilongo otashi longifa elongelokumwe loikondo ya yooloka, omapotokonono taa di moshiwana, nomaungoba ape opo ku kwashilipalekwe kutya kapu na nande omunhu a fiwa konima mokulwifa oHIV-AIDS.
“Kumwe, nomapekapeko a keshe efiku, omaduto oinima ipe nelongelokumwe, otwa hala okutunga osystema youndjolowele yakola tai dulu okukandula po eemumbwe dopaundjolowele nokweeta oidjemo i hokwifa yaaveshe,” Osho a ti ngaho.
Minista okwa popya kombinga yaNamibia nghee ta pula komesho nawa mokuhanga elalakano loUNAIDS, neepelesenda 93 dovanhu ve na ombuto yoHIV-AIDS ve shi apa va fikama, eepelesenda 95 dovanhu ovo odi li kepango, omanga eepelesenda 98 dovanhu ava ve li kepango ombuto oyo i li meehonde davo oishona neenghono nomashina itaa dulu okwiimona vali.
“Ashike nee, eemwaka odo di li po otu di wete, unene ngaa moiwana oyo ihai pewa omayakulo awana. Apa opo nee eduto lomilandu dipe la fimana,” Osho a ti ngaho.
Luvindao okwa ti oshoongalele “eshi oshi li oshinima sha fimana neenghono” okuyandja omapekapeko nokukoleka eenghendabala dokuxulifa po oHIV-AIDS oyo i li oupyakadi wopaundjolowele woshiwana.
Natango koshivilo, omuprima minista Elijah Ngurare okwa popya kombinga yondjokonona yaNamibia yokukelela oHIV-AIDS nohepatitis B.
Okwa ti Namibia oku li oshilongo shotete mounyuni okumona epapa loshishiliveli okudja kehangano loundjolowele lopaunyuni molweenghendabala dokukufa po okutandaveleka oudu wohepatitis B okudja kumeme ta nyamifa okuya mokaana.
Namibia natango okwa mona epapa momudo 2024 eshi a shonopeka etandaveleko loHIV-AIDS okudja mumeme ta nyamifa okuya mokaana fiyo opeepelesenda di li koshi yananho.
“Eshi kashi fi ashike oshoongalele, ei onghatu tai pula elunduluko. Manga hatu tyapula eyokomesho, otwa nyakukwa.
Eshi ngaa hatu hale okufika pokuxulifa po omikundu edi, ondjila osho ngaa tai ende tai ningi idjuu. Keshe konima yomuvalu wonhumba oku na omwenyo, ofamili nonakwiiwa,” Osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
