Minista wouyuki noipambele yoilonga Wise Immanuel okwa fininikwa a ningulule osho sha talika ko kutya etilifo mopaliamente la ningilwa oshilyo shopaliamente shongudu yoAffirmative Repositioning (AR) George Kambala.
Oshinima eshi osha ningwa Etitatu pefimbo leemhata kombinga yonotwaveta yomalunduluko okukonga nokulonga omahooli oyo tai yandje po eenghono dimwe doikwamahooli kombelewa yapresidente.
Immanuel okwa li ta kufa ombinga meenghundafana kombinga yonotwaveta eshi kwa li tai wa melaka oikando ihapu kongudu yomilameno.
Immanuel okwa lombwela Kambala “Mwena mukwetu”.
“Inandi hala okukupula oshinima eshi kwoove,” okwe mu lombwela mangha ta kufa okakende komeva poshitaafula shaye. Oilyo yopaliamente imwe okwa li tai yolo.
Omuleli wongudu yoAR Job Amupanda okwa pula omhito ndee ta popi kutya oshinima sha tya ngaho etilifo lopalutu.
“Kandi shii ngee minista okwa ti okwa hala okukupula okakende koshilyo shimwe.
Pakutala, ngee oshilyo shetu shimwe osha ehamekwa, ohandi ka kala omunhu wotete oshinima osho sha kupulwa tashi fikile mwaame,” osho a ti ngaho.
Omunashipundi womutumba wopashiwana Saara Kuugongelwa-Amadhila okwa ninga etokolo kutya oshinima osho kashi li mondjila nokwa pula shi ningululwe.
Immanuel okwe likanyuna kutya ke na eshi a ninga sha puka.
“Ohandi popi Oshiingilisha. Kambala okwa li a lamba nge nomalaka, ndee naame onde e mu shunifila. Inandi shi popya osho.
Otashi dulu okweendululwa,” osho a ti ngaho.
“Ngee ito tu amene, ohatu liamene vene,” Immanuel osho a lombwela omunashipundi ngaho.
Kambala okwa pula ngee oshinima osho okwa li sha popiwa momashendjo ile etilifo, ta ti kutya elaka li li ngaho kali na mo onhele mopaliamente.
Nande minista okwa ningulula omapopyo aye, oshikumungu eshi onghee ngaa sha twikila mopaliamente.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
