Minista wouyuki noipambele yoilonga Wise Immanuel, Etine okwa yandja oyeendifo ivali keemhangu doshiwana shokOtjikaoko nOngandjera kOpuwo.
Oshinima eshi oshi li ombinga yeenghendabala depangelo dokunghonopeka eemhito dokumona ouyuki moitopolwa yokomikunda.
Eshi kwa li ta popi pefimbo lokuyandja oyeendifo ei, Immanuel okwa ti oshinima eshi otashi lalakanene okuyambidida ovanambelewa vomhangu, unene ngaa meenhele dokoushai omo omayakulo opaveta natango a ngabekwa.
Okwa popya kutya eemhangu dopashiwana ohadi dana ongahandangala ya fimana mokufitika omwaka pokati koshikondo shouyuki novakwashiwana.
“Okweeta ouyuki popepi noshiwana, ohatu kwashilipaleke ouyuki, ekwatelemo neemhito di fike pamwe dovanhu aveshe moshiwawana,” osho a ti ngaho.
Minista okwa weda po kutya oshinima eshi otashi endele pamwe nomukandaudaneko womayambulepo woshilongo omutihamano.
Oo wa popya kombinga yelelo la kwatela mo ovanhu aveshe, eyambulepo leemhito dokumona ouyuki nenghonopeko lomahangano oshiwana.
Okwa ti etoto neyambidido leemhangu doshiwana koshi yokatendo okatitatu komudo 2010 komhangu yoshiwana, otali ulike elitulemo lepangelo lokutwala omayakulo opaveta moshiwana nokuxwaxwameka ekufombinga lelelo.
Immanuel natango okwa popya kutya epangelo ole litula mo mokukashilipaleka kutya eemhangu doshiwana otadi longo nawa, pauyelele nokukalela po oinima.
Okwa ti eyandjo loyeendifo oli li ombinga yakula yeenghendabala dokuxwepopeka eyandjo lomayakulo nokukwashilipaleka kutya ovanhu otava twikile nokumona ouyuki paife nokomongula.
Ashike nee,okwa tambula ko kutya omumbwe yoikwatifo otai imbi epangelo li yambidide eemhangu adishe doshiwana pefimbo limwe.
Opolohalama, oyo ya tamekele odula ya dja ko, oya yandja oyeendifo keemhangu doshiwana di li lwopuhetatu, nadihapu oda yambididwa neudo.
Okwa fatulula kutya eyandjo loyeendifo eli ohali tale koinima ngaashi ounene woshikandjo shomhangu, omwaalu woipofa ya ungaungwa nayo novashingi ovo ve li po ve na omikanda.
Opo kukandulwe po omukundu, Immanuel okwa ti epangelo ola tuma ovatumwa veemhangu keefikola dokushinga. Oshinima osho tashi yambidida mokuyandja eewino nokutota oilonga.
Natango, Ujeuetu Tjihanga, kamusela akula welelo lopamufyuululwakalo lOtjikaoko okwa ti okwa kala efimbo lile ta mono oixuna yokuya kovakalimo velelo molwoinano ile.
“Opwa kala pu na omukundu wokufika kovanhu aveshe shaashi ove lyaafane komakule, ashike paife otwa kufwa omukundu notwa hafa unene molwoyeendifo ei,” Tjihange osho a ti ngaho. – NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
