JOHANNESBURG – Inashi enda nando ngaashi Kevin Lerena a li a hala, ihe esindano kehe oli na oshilonga, onkene esindano lyuudhano womOlyomakaya, sho a dhenge mo omudhengingonyo OmuNamibia Vikapita Meroro olye mu palele ondjila yoku ka kondjela epapa lyuudhengingonyo ndyoka li itaalwa koyendji moshimpungu shuudhengingonyo kutya olye mu opalela.
Okwiigandja komudhengingonyo gwaNamibia momunute gwotango medhingoloko etitano okwe etitha pehulilo olugodhi ndoka lwa li lwa talika ko lwa dhengambanda, ngeno lwoohandje tadhi shenuka nomingungumo tadhi kolola moJohannesburg ongulohi yOlyomakaya.
Omudhengingonyo gwaNamibia, ngoka i ihulile mondambo konima yomimvo mbali, okwa li ta monika a zazama nokuya mondambo, ye ka li wo ta monika ta nu mo sha momakindji gaLerena.
Okuza ashike medhingoloko lyotango, Meroro okwa kala te wu toolithwa mo komuSouth Africa, te mu tukumuna komutse nolumoho.
Meroro okwa kala ta mana po ethimbo, ta papatele omukondjithi gwe ye tu undagula, shoka sha dhigupalele Lerena mokugwanitha po shoka she mu fala mondambo.
Uudhano woongongo owa shituka uudhano wokuvunyathana, moka omuhangukununi Thabo Spampoel a kala ta longo nuudhigu moku ya ya pokati.
Lerena okwa kongo ondunge a hedhe muMeroro opo e mu ngumune nawa.
Ondunge ndjika oya longo.
Nando okwa lulumikwa shili, etokolo lyaMeroro lyokuhulitha po uudhano nokuumbila mo efanduke, sho i igandja, olya sitha oyendji uunye, taya ti okwa fa ashike a yile mondambo a ka konge oshimaliwa.
E EGEKA OSHITALENTI
Vikapita “Beastmaster” Meroro okwe egeka etemo sho a holithapo oshilongayithano shuudhengingonyo, konima sho a i igandja methigano nomudhengingonyo omuSouth Africa Kevin Lerena, u umbile mo efanduke methigathano etitano.
“Otu uvithwa nayi komayihumbato gaMeroro ongomudhani pondondo ndjika, ihe nando ongaaka otatu mu pandula sho a longela uudhano woongonyo.
Itatu dhimbwa kutya nando uudhano we wa hugunina owu lilitha, okwa li omudhengingonyo a yalulwa muuyuni, nokwa li ha dhenge yimwe nopevi ethimbo kehe a mono ompito, omudhewuli gwe Tobias ta ti.
Tobias okwa gandja ombili kaaholi yuudhano woongonyo molwetokolo lyaMeroro lyoku umbila mo efanduke.
Meroro okwabvalwa mo1985, nokwa lwa omalugodhi 34, moka a sindana omalugodhi 28 e ta kanitha gahamano.
Molugodhi lwotango, omudhengingonyo gwomoSouth Africa Ryno Liebenberg okwa ndopa oku wu toolitha mo omudhengingonyo Omundowishi Enrrico Koeling, ngoka e mu pele kapinya muKotoba.
Omundowishi okwa sindana po olugodhi nduka kiitsa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
