“Meme, ino mona vali okaana kamwe. Ondi mushona natango nofikola yange otai ka ninga ondilo, shaashi onda hala okukala nda fa presidente ile minista.”
Emilia Hamukoto okwa ti ei oitya yomonamati, Lazarus Hamutenya (9), oo a xulifila moshiponga pokati kOtjiwarongo nOkahandja eshi okabesha koministili youndjolowele nomayakulo opanghalafano ke li denga mumwe nololi Etitano.
Ovatwalelwa aveshe vokabesha ova xulifa, mwa kwatelwa omushingi novapangi vatatu ovo kwa li ve li pamwe novanaudu va dja koshipangelo shaKhorixas va yuka koshipangelo shaKatutura.
Hamutenya oye a li mo mushona mounona ve li vanhe ovo va li mokabesha.
Vakwao okwa li ve na omido 11, 13 no18.
Hamukoto, oo hadi mOvenduka, okwa ti okwa li a teelela okushakena nomonamati koshipangelo opo a kale naye mefudo.
Okwa ti manga a teelela koilonga yaye, omuwiliki waye okwe mu lombwela oshiponga sha ningwa pokati kOkahandja nOtjiwarongo.
“Onda tala koFacebook ndee handi mono kutya opwa ningwa oshiponga.
Onda dengela omushingi, ashike ongodi yaye inai nyamukulwa.
“Konima yefimbo okwa li twa dengelwa koministili youndjolowele ndee hatu lombwelwa omafyo ovakwapata vetu.
“Omonamati wange okwa li omunambili.
Eli efimbo lela lidjuu kufye,” osho a ti ngaho.
She likolelela kolopota yopolifi, ovatwalelwa aveshe ovo va li mosheendifo omu ova pya po filufilu noitava dulu okudimbulukiwa.
“Natango otwa teelela omakonakono omalutu a manifwe.
Ondi wete kutya otaa pu mEtitatu,” Hamukoto osho a ti ngaho.
omufala wopolifi kOtjiwarongo komisina Philip Hidengwa okwa koleka kutya omalutu aeshe e li o-11 okwa li a kufwa po opo pa ningilwa oshiponga, eekilomita di li lwopo30 koumbuwanhu wOtjiwarongo.
Omakonakono otete aa mona kutya oshiponga osha ningwa lwopotundi 06h00 eshi okabesha ka puma oholongo.
Omushingi okwa nyengwa oku ka wilika ndee take lidenge mololi oyo kwa li tai di komesho.
Omushingi wokabesha (50) novapangi vavali navo ova fila moshiponga, omanga omushingi wololi (46) nomuyakuli waye va xupa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
