Presidente waNamibia mukulu Nangolo Mbumba okwa pula Ovanamibia va ka hoolole Swapo, ta ti oyo ashike ongudu yopolitika ya kala nokulididimika oule wefimbo noya kala alushe nokulonga i yambule po eenghalamwenyo doshiwana.
Eshi kwa li ta popi koshoongalele shoSwapo koDivundu moshikandjohoololo shaMukwe moshitopolwahoololo shaKavango Ushilo Olomakaya, Mbumba okwa ti Swapo natango oye ashike ongudu yopolitika ye lilongekida okutambula ko Ovanamibia aveshe.
“Swapo oye ashike ongudu kuhe na vali oyo ya ulika elitulemo mokulundulula eenghalamwenyo dOvanamibia.
Ondjokonona yetu alushe otai popile onima iwa yoshilongo okudj ashike mekondjelomanguluko, eshi eedalele daNamibia da yamba eemwenyo dado di mangulule Namibia a dje moukoloni,” osho a ti ngaho.
Mbumba okwa ti ondjokonona yongudu konima yomido 35 oya ulika eenghono dayo okuyandja ombili,elandulafano neyokomesho.
Okwa weda po kutya koshi yelelo lapresidente Nandi-Ndaitwah, Swapo natango okwe litula mo mokuxwepopeka eenghalamwenyo dOvanamibia aveshe nokukwatela po eyokomesho moikondo aishe.
Okwa pula ovakalimo vomoshikandjohoololo shaMukwe opo va hoolole okandidate yoSwapo, Auguste Katembo, momahoololo oo tee ya omalelo oitopolwahoololo needoolopa ta aka kala ko momafiku 26 Novemba.
“Opo kukwashilipalekwe okutwikila kweyokomesho, oshiwana unene opoSwapo a twikile nokulela, unene ngaa momalelo oitopolwahoololo needoolopa,” Mbumba osho a ti ngaho.
Okwa ti kutya koshi yelelo loSwapo, oshimaliwa shi dulife peemiliyona di li N$4.3 okwa li sha longifwa okutunga eengulu dofikola di li nhatu koprima fikola yedina Mbambi moshikandjohongo Shinyungwe, mokati ashike keeproyeka dimwe domatungo.
Mbumba okwa ti ongudu oya fimaneka oundjolowele, ehongo nounamapya nounaimuna ongoinima ya fimana mokukandula po omikundu odo oshiwana sha taalela.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
