Mayola waMbaye Trevino Forbes okwa londoda ovanailonga vamwe vamuni wodoolopa kutya okuya oilonga moshipala papolitika itaku ke lididimikilwa vali.
Forbes okwa ti ovanhu ovo ve li moomuni otava dopele owina okuyandja omayakulo avo.
Oshinima eshi okwe shi popya pefimbo loshoongalele shoikundaneki kwa li sha ningwa kongudu yoIndependent Patriots for Change (IPC) kOmbaye Olomakaya.
Okwa popya kutya ongudu oya itavela melelo olo la tala komauwa oshiwana noshilongo ashishe, ponhele yoinima yopapolitika. “Mumuni waMbaye omu na ngaa oshinima shokupiyaaneka oinima osho sha pumbwa okuungaungwa nasho.
Itashi dulika muni akula ngaho ndee ota dopa okukufa po oimbodi. Itashi shiva. Itashi shiva kutya kapu na vali eetendela dokufitika omalambo meepate. Keshe efimbo taku hale okuyandjwa otendela, opu na okukala pwa ningwa oshinima sha puka.
Mehangano eli omu na omaupyakadi opapolitika. Ohatu ka ungaunga nasho. Itatu ka fuwa nandenande ovafufi ovo ove na okuungaungwa navo.
Itatu ka kumwa nande koshinima eshi.
Ohatu pula komesho ndee hatu yakula ovanhu,” Osho a ti ngaho.
Forbes okwa ti kutya ongudu otai ka longela kumwe nomunambelewa kulunhu mupe, Victoria Kapenda, navakwao vamwe ovo ve na ohokwe yokweeta elunduluko liwa modoolopa.
Okwa popya yoovali kutya ewilikongudu lopaife ola longa shihapu moule weedula nhano da pita okuyelakanifa newilikongudu eli la dja ko, ta tumbula oshiholelwa shokuyandja edu, omo eengudu ngaashi Shack Dwellers Federation of Namibia da mona eenhele di dule po 2 000.
Manga oshoongalele inashi ningwa, oilyo yongudu okwa li ya ya momapaandaanda ya ka ninga oshikonga shokuwapaleka ongula yOlomakaya.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
