Minista womayambulepo eedoolopa noitopolwa yokomikunda James Sankwasa okwa londwela eekamusela novanambelewa vepangelo ve na oshinakuwanifa shoimaliwa tai kana momalelo oitopolwahoololo nomalelo eedoolopa kutya otashi dulika va ka pulwe va ka fute epangelo.
Eshi kwa li ta popi poshoongalele shokomudo shoitopolwahoololo nomalelo edoolopa koMariental, Sankwasa okwa holola omalimbililo kombinga yomayakulo amuni inaa futwa newiliko loshimaliwa la nghundipala momalelo.
Okwa ti eengunga dovakalimo tadi i pombada, omahangano epangelo neekamusela doo vene otadi nghundipike onghalo yoshimaliwa notadi imbi va dule okuyandja omayakulo amuni.
Sankwasa okwa ti epangelo ole lilongekida li katuke onghatu ya mana mo li kwashilipaleke ekalelepo loinima, ewiliko la puka nouhasha tau kanififa oshimaliwa.
“Ohandi kwashilipaleke kutya keshe kamusela ile omunambelewa ta etifa oshimaliwa shi kane mehangano lepangelo na kale e lilongekida a fute oshimaliwa shepangelo osho sha kana,” osho a ti ngaho.
Minista okwa lombwela omalelo eedoolopa a yandje omusholondodo weengunga dovakulupe damuni novanhu ovo ve na omaulema kombelewa yaye ku talike ngee otadi dulu okukupulwashi.
Ashike nee, okwa yeleka kutya ovanhu vakwao ovo ve na eengunga, mwa kwatelwa eekamusela nomahangano epangelo, itava va filwa nande onghenda ove na oku di futa.
Sakwansa okwa ti, eekamusela odo di na omayakulo amuni inaa futwa otadi ka pulwa di fute eengunga dado, otashi dulika nokuli di ka nanwe komauwa avo opo sha pumbiwa fiyo da pwa okufuta filufilu.
Okwa weda po kutya ovanambelewa kulunhu pitifi vomalelo eedoolopa nava tule po omilandu dakindja deesystema dokufuta omayakulo amuni ndee tava kufa eenghendaba dokuongela eengunga edi.
Sankwasa natango okwa yandja elombwelo komahangano epangelo oo e na eengunga domayakulo amuni opo a fute eengunga dao a kelele eyomoshipala leyandjo lomayakulo momalelo eedoolopa.
Okwa ti oministili otai ka tota po omilandu dokuwilika da pama i kwashilipaleke kutya omalelo eedoolopa noitopolwahoololo otee liufa keeveta odo di li po nokunghonopeka ewiliko loshimaliwa.
Minista okwa ti, okuyambula po omikalo dokukwata nawa oshimaliwa nekalelepo loinima momawiliko oshinima sha fimana mokwaalula elineekelo loshiwana mepangelo nokukwashilipaleka kutya oomuni otava dulu okuyandja omayakulo e shii okulineekelwa koshiwana.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
