Omateelelo mounona natango ee li omukundu wakula unene ngaa mokati kovanhu ovo ve li momalukanda, kamusela woshikandjohoololo shaTobias Hainyeko Christopher Likuwa ta ti.
Likuwa eshi okwe shi popya pefimbo loshoongalele shoshiwana nounona tashi lalakanene okuyandja omauyelele kombinga vomikifi da yooloka da nyika oshiponga nomateelelo mokati kounona sha ningwa mOvenduka Olomakaya.
“Omukalo oo omaumbo a longwa komalukanda, puhe na eengadjo ile omivelo di kaleke ovanyasha nounona momaumbo efimbo alishe, osho shi li sha nyika oshiponga.
“Ohandi pula ovadali opo vaha sholole okutekula ounona vavo ndee tava twikile noku va yambidida noku va pa omayele,” osho a ti ngaho.
Natango Likuwa okwa pandula oilonga ya fimana yovahongi voshihongwa sheewino donghalamwenyo peefikola, ta ti natango ove li eyambidido lounona la fimana.
Eenghundafana edi natango okwa li tadi lalakanene okuyandja eyambidido nomayakulo a pumbiwa, ta dimbulukifa ovakalimo kutya omavatelo opo e li.
Omuxungimwenyo woministili youndjolowele nomayakulo opanghalafano, Zeba Mafuta okwa ti ovanhu nava kale tava dulu okutofa mo diva omadidiliko oupyakadi wopamadilaadilo, ngaashi okumona ile okuuda oinima ihe po, omaliumbato taa piyaaneke, ekanifo lelitulemo, ekanifo leemofi ile okukofa sha pitilila, oumbada wa pitilila nelunduluko lomaliudo.
“Ngee omadilaadilo oye a kumwa, onghalamwenyo yoye ihai kala ngaashi shito.
Popya nomunhu ou we lineekela, ndee ino kala ashike nomikundu ndee i to popi, ove to kongo omayakulo omondjila,” osho a ti ngaho.
Mafuta natango okwa yandja omayele kovanhu opo ve likaleke kokule nomalodu noingangamwifi ya nyika oshiponga oyo tai dulu okunaipaleka oundjolowele wopamadilaadilo womunhu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
