Oministili yehongo, omaduto oinima ipe, ovanyasha, omaudano, omaunghulungu nomifyuululwakalo oya udanekela oshiwana kutya keshe okaana ka dalwa momudo 2020 otaka ka mona omhito yofikola muJanuali 2026.
Eshi otashi popiwa eshi efimbo lokuninga omaindilo ofikola yomudo 2026 la tameka pambelewa. Ovadali moNamibia ova kwatwa nale koumbada navahapu ove li momikweyo nova ninga eenanda pondje yomivelo deefikola ve na elineekelo lokumonena ounona vavo eefikola.
Eshi kwa li ta popi noDesert FM onghela, omupedu kulunhuwiliki wehongo lopambelewa Edda Bohn okwa ti oministili oya kufa eenghatu dakula opo i yande oupyakadi wokodula womangudumano, omaindilo okominute daxuuninwa nosho yo engwangwano lokutambula komunute waxuuninwa.
Okwa weda po kutya ewedelo lomatungo, elunduluko lomaindilo nokunghonopeka okuwilika omilandu oku li nale peenhele.
“Otu shi shi nawa kombinga yomwaka wondodo yopetameko oyo twa pumbwa okuwedela. Ndee ngaashi sha popiwa nale kuminista, peemhito da yooloka, hakaana nande ka fiwa ko.
Onghee nee keshe okaana ka dalwa momudo 2020 naka kale mofikola momudo 2026,” Bohn osho a ti ngaho.
Eshi a nyamukula komanyenyeto kombinga yokuhafika pamwe mosystema, Bohn okwa koleka kutya omatambulo paife otaa wilikwa komulandu wopaveta wa yela, mwa kwatelwa eekomitiye domatambulifo dopaitopolwahoololo nopeefikola.
Okwa ti oinima ei oi li momulandu wokatendo kehongo noya ningilwa okuxwaxwameka elongo lopauyelele nouyuki. Bohn okwa popya kutya keshe eelopota doulingilingi ile ‘okulanda eenhele’ otadi ka ka tukilwa onghatu ya mana mo noda pumbwa okulopotwa meendelelo.
Omanga eefilola dimwe depangelo da pula oimaliwa yeefooloma domatambulifo, Bohn okwa yeleka kutya oshimaliwa osho tashi futwa oshi fike ashike poN$10 shokuninga eekopi ndee ta ti kapu na vali oshimaliwa shimwe sha wedwa po sha pumbwa okufutwa ile okufuta ko kwa pumbwa okuningwa shapo omeefikola dopaumwene.
“Ofuto ishona i fike poN$10 oya pitikwa okupulwa, ashike kapu na vali osho sha pumbwa okuyandjwa. Ndee kapu na nande okufuta ko ile shimwe vali sha pumbiwa okupulwa shapo ongeenge ofikola yopaumwene,” Osho a ti ngaho.
Oministili natango oya koleka kutya eenghendaba dokutunga eefikola nokulongekida ovahongifikola odi li metifa.
Ovanambelewa pitifi vopaitopolwahoololo ove li meenghundafana da mana mo noministili opo va kwashilipaleke kutya opu na eenhele da wana.
Bohn okwa ti ovadali nava lombwelwe kombinga yomatambulo ounona vavo muSeptemba, osho tashi yandje efimbo la wana keefikola nokeefamili di lilongekide.
“Ehongo oufemba wa fimana, ndee otu lile po okuwanifa po oshinima osho apa. Ngee owa mono omaudjuu, manguluka okulopota oshinima osho kufye. Otwa mangulukila keshe enyenyeto,” Osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
