Ngoloneya woshitopolwahoololo shaShikoto, Sacky Kathindi, onghela okwa yandja omaano eetenga domeva dakula keefikola moshitopolwahoololo.
Omaano aa okwa kosha oshimaliwa shi fike poN$232 000.
Eefikola da mona omauwa aa ongaashi Onampengu Combined School, Oshiya Combined, Onankali South Combined School nEmanya Senior Secondary School.
Eshi kwa li ta popi peyandjo lomaano aa pambelewa, Kathindi okwa ti eefikola edi okwa li odo da talwa tete molwomikundu domeva odo li po paife nosho yo omwaaluwounona ovo ve li momihandjo dado.
“Okukala nomeva awa aamenwa natango oku li oshinima sha fimana keshe mofikola, unene ngaa odo di na omihandjo.
Ngee kapu na omeva, oundjolowele wovanafikola ou li moshiponga, oukoshoki ohau naipala nehongo alishe koonono ohali kumwa koshinima eshi.
Onghe nee, itatu dulu okupitika oupyakadi wakeshe efiku u li ngaha u ye onakwiiwa younona vetu moshipala,” osho a ti ngaho.
Kathindi okwa ti oshinima eshi itashi ningwa ashike lumwe, ta weda po kutya ombelewa yaye otai twikile nokutalela po keshe ofikola i li moshitopolwahoololo shaShikoto i konakone eemumbwe da wedwa po nokukwashilipaleka kutya okwa ningwa eenghendabala domondjila nodopefimbo.
Omukulunhu wehongo moshitopolwahoololo shaShikoto Hilma Nuunyango-George okwa ti eefikola dihapu moshitopolwahoololo ohandi kala di li momumbwe yomeva pefimbo lokwenye.
“Omaano aa ee na oshilonga lela keefikola detu unene ngaa kovanafikola ovo ve li momihandjo. Ngee ominino domeva da kukuta, ounona vetu ohava ka teka omeva keenhele dimwe ndee ovakulunhufikola vetu itava ka shinga vali oinano ileile opo ovanafikola ovo ve li momihandjo va dule okulya,” osho a ti ngaho.
Omaano aa ee li ombinga yakula yeenghendabala dokuyambula po onghalonawa yovanafikola nokuxwepopeka eyandjo lomayakulo moshikondo shehongo, novakufimbinga otava ti oku li oshinakuwanifa shopamuhanga shokutota omudingonoko waamenwa wehongo li na ongushu.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
