Ehangano lokatanga kokeemhadi moshilongo ledina Namibia Football Association (NFA) ola konga eenhele dokutunga oupale ve dulife pomulongo oshilongo ashishe.
Ashike ola ti kali na oshimaliwa shoku va tunga.
Omupopiliko waNFA, Cassius Moetie okwa koleka oshinima eshi koThe Namibian.
ti edu eli okwa li la monika okupitila meenghundafana nomalelo eedoolopa.
“NFA ke na oshimaliwa shokuninga oinima yoludi olo.
Katu na fiku tu dule oku shi niga noimaliwa yetu vene.
Otu na okukonga oimaliwa okudja kondje yehangano,” osho a ti ngaho.
Oupale voNFA inava kwatelwa mo moupale ve li o-28 ovo epangelo la faneka li tunge oshilongo ashishe.
Oupale vepangelo otava ka tungwa peenhele odo da tofwa mo komalelo oitopolwahoololo.
Omanga opoloyeka yoNFA tai ka ningwa pedu olo la pewa ehangano paumwene.
Moetie Etine okwa ti NFA okwa hangika nale a konga edu laye manga epangelo inali yandja elombwelo keengoloneya lokuyambula po nokutunga oupale.
“Ewilikongudu loshitopolwahoololo shaKavango Uninginino ole tu pa nale edu, opo tu tunge okapale koNFA.
Otava ka tungwa momalelo eedoolopa omo twa pewa edu,” osho a ti ngaho.
Moetie okwa ti NFA okwa tambula ko onghatu yepangelo yokutunga oupale shaashi otai twala oupala popepi noshiwana.
“Ei onghatu iwa lela – onghatu oyo NFA a tambula ko nokupandula presidente eshi a twala omutengenekwafaneko koitopolwahoololo nokutunga oupale moitopolwahoololo ya yooloka,” osho a ti ngaho.
Moetie okwa ti NFA ota ka kufa ombinga mokukwashilipaleka kutya oupale ove li pondodo yomalutu etanga lokeemhadi opaunyuni.
“Oongoloneya ova popya nale noNFA sha landula elombwelo lapresidente, neenghundafana dokuwilika omulandu woilonga odi li metifa,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
