Oshilyo shopalimente shongudu yoNational Unity Democratic Oraganisation Vetaruhe Kandorozu okwa li a fininikwa a ningulule omapopyo aye konima a lombwela omupedu minista wehongo Dino Ballotti a shune koItaly momutumba wopashiwana Etitatu.
Omupedu nashipundi womutumba wopashiwana Phillipus Katamelo omutumba okwa li e u kaleka meendelelo shaashi eenamanana okwa li da lundalala sha landula omapopyo aKandorozu.
Kandorozu omalaka aa okwe a popya eshi kwa li ta pe Ballotti oushima eshi vati ta piyaaneke omuleli wongudu yoIndependent Patriots for Change Imms Nashinge pefimbo kwa li ta kufa ombinga meenghundafana domutengenekwafaneko.
Ballotti eshi eenamanana da lundalala okwa dja mo mopaliamente.
“Shuna koItaly,” Kandorozu osho e mu lombwela.
Kandorozu okwa twikila ndee ta ti kutya Ovanamibia ihava monika va fa Ballotti, nande Katamelo okwa li e mu lombwela kutya omalaka aye inaa pitikwa mopaliamente.
“Omulumenhu ke fi Omuitali,” Katamelo osho a ti ngaho.
Ashike nande ongaho, Kandorozu okwa anya okushuna omutwe moipeta.
“Itandi fimaneke ovatilyane ovo ve tu kolonyeka, va kufa po omadu etu ndee tava teyaula po omufyuululwakalo wetu,” osho a ti ngaho.
“Omutilyane, omutilyane ashike, kave fi Ovanamibia, kutya nee otu shi hole ile katu shi hole.”
Ta nyamukula koshikumungu, minista wehongo, omaduto oinima ipe, ovanyasha, omaudano, omaunghulungu nomifyuululwakalo Sanet Steenkamp Etitatu okwa pula a yelifilwe nawa kutya Kandorozu okwa hala naana okutya ngahelipi.
“Inandi tukwa nale ngaashi wa tuka nge nena.
Oto ti Ovanamibia ihava monika ngaha ngahelipi?” osho a pula ngaho.
“Owa kufa nge oufemba wange ongOmunamibia ndee to shi ningi sha fa ngeno kutya kandi na sha ondjokonona, oukwatya noinandi pumbwa okuyakula oshilongo noushili nonefimano olo ndi udite nda fikama kulo.
Ku na oufemba wokupopya ngaho,” osho a ti ngaho.
Kandorozu konima okwa ningulula omapopyo aye “opo ashike va twikile” konima Katamelo e mu pula e shi ninge, te mu lombwele kutya oitya yaye kaya li “mouwa wokutunga oshiwana.”
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
