Oo ta tamanekelwa oshipofa shedipayo Abner Mateus okwa lombwela Omhangu yaMangestrata mOndangwa onghela kutya ke shi omudipai noke na nande ehalo lokudipaya omunhu.
Eshi Mateus okwe shi popya manga kwa li ta yandje oumbangihokololo meindilo lobooloha lomutamanekwa pamwe naye Patrus Shikwaya.
Epangelo ola ti kutya Mateus oye omuunganeki weponokelo olo la eta efyo lomutamaneki mukulu mOndangwa Justine Shiweda.
Pefimbo lomapulaapulo, omutamaneki wepangelo Yeukai Kangira okwa pula Mateus “omutamaneki elipipo ta shikula ko kefyo ngee omuningi weindilo a pewa obooloha?” Kangira ta pula.
Mateus okwa anya oshinima eshi, ta ti: “Kandi shi omudipai. Katu li mongeshefa yokudipaya ovanhu.
Inatu dipaya omunhu nokandi na ehalo loku shi ninga. Fyee Ovakriste kuyadi.”
Kangira okwa twikile nokufininika Mateus.
“Olyelye a dipaya Justine? Eshi kashi shii omashendjo, tate?” omutamaneki ta pula.
Omapulo aa a ningwa eshi omhangu tai pwilikine oumbangi moihokolola yombooloha yaShikwaya, oyo tai twikile mOmhangu yaMangestrata mOndangwa.
Mateus naShikwaya ovamwe vomovanhu vahamano ovo tava tamanekelwa efyo laShiweda.
