Onkalo yaanona taya ikutha oomwenyo onkene tayi tsikile sha landula oshiningwanima oshitalala shoka sha ningwa mehuliloshike lya zi ko sho kamatyona gwomimvo 12 a mana oondjenda sho i imangeleke konima anuwa sho a nyenyetelwa ku tate gwe.
Kamatyona ngoka otaku hokololwa a nyenyetelwa sho a kutha mo oWhatsApp mongodhi yopeke ya tate gwe, nokwa lombwelwa kutya ongodhi iteyi pewa we.
Nakusa otaku hokololwa kutya ogwomomukunda Otunganga, moshitopolwa shaHangwena, noshiningwanima shoka osha ningwa mOlyomakaya.
Konima yaashoka omusamane okwa tumu omwanamati ngoka a fale iikombo mepya ashike okwa dhimbulula kutya kamatyona ina ninga shoka e mu tumu.
Lwanima okwa tokola a landule oompadhi dhomwana, nokwa adha i imangelekela momuti gu li pegumbo lyopuushiinda.
Nakusa okwa adhika a shanga pevi etumwalaka kutya “hangame nda kutha mo oWhatsApp mongodhi ya tate”.
Onkundana ndjoka oya landula ya kamatyona gwomimvo 13 ngoka i imangeleke petameko lyomwedhi nguka molukanda lwaTjomuise mOvenduka sho taku hokololwa a nyenyetelwa kaavali ye konima anuwa kwa nongelwa ta tala uuvidio wopaihulo.
Nakusa okwa hololwa kutya oye Man Katutundu(13).
MuJuni, kamatyona gwomimvo 11 Christopher Boois, ngoka a li mondondo 6 posikola Krönlein Primary School mondolopa yaKeetmanshoop, okwi imangeleke.
Boois okwa yapukilwa kongundu yaanasikola yaamati noya tameke oku mu hinda noku mu dhenga.
“Onzapo ye oya tuulwa po, nohema ye osho wo ombindja ye okwe yi kuthwa. Okuza mpoka otaku hokololwa Boois a tondokele kegumbo nokwa tseyithile yinagona kombinga yoshiningwanima shoka,” osho opolisi ya popi ngaaka, pethimbo ndyoka.
Boois nayinagona oya yi kosikola opo ya ka lopote oshiningwanima shoka komukuluntusikola. Ashike, sho ya galukile kegumbo lwanima Boois okwi ikutha omwenyo.
MuJanuali, Penato Sageus(7) okwa mana oondjenda mondolopa yaMaruru sho taku hokololwa i imangeleke. Pauyelele wopolisi aavali yaSageus okwa li ya zi mo megumbo ya landule ompadhi yomufuthi ngoka a yaka oshikombo moshigunda shaandjawo – noya thigi Sageus opamwe naamwayina gumwe oku na omimvo ne gumwe ntano, megumbo.
Opolisi oya fekele kutya Sageus kali a nyanyukilwa elombwelo ya kale megumbo omanga aavali ya landula ompadhi, naashoka oshe eta kamatyona ngoka i imangeleke.
MuJuli numvo, onzonkundaneki ndjika oya lopota kombinga yaantu ye li 679 mboka yi ikutha oomwenyo pokati kaJanuali 2021 naMei 2022.
Momwaalu ngoka, ye li 559 aalumentu, ye li 91 aakiintu omanga ye li 29 aanona.
Omupopiliko gwopolisi moshilongo omupevikomufala Kauna Shikwambi omasiku ga zi ko okwa popi kutya oya ndhindhilike omashongo ngaashi onkalo yokwaana iilonga, ondjala, ethindakano lyopamadhiladhilo, okwaana etegameno, omakwatathano gopaihole, omaupyakadhi gomoofamili ongayimwe mbyoka tayi thiminike aantu yi ikuthe oomwenyo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
