Presidente wongudu yoPatriots for Change (IPC) Panduleni Itula okwa limbililikwa ketokolo lapresidente Netumbo Nandi-Ndaitwah eshi e lihoolola mwene a ninge minista woikwafaabulika, oikwamina noikwanghono.
Okwa ti eshi osha hala kutya ota kala ta lopota kuye mwene.
Eshi kwa li ta popi noDesert FM Omaandaxa, Itula okwa ti nande presidente oku na oufemba wekotamhango wokukuta nokukufa eeminista moilonga, etokolo laye lokulihoolola mwene a ninge minista oli li ominge nekotamhango laNamibia nokatendo kokuyandja eenghono komudo 1990.
“Katu na oupyakadi napresidente ta wanifa po eenghono daye nokukufa minista moilonga.
Ashike nee, okulihoolola mwene a ye ponhele opo oshinima shi li ominge nekotamhango, eano lombelewa yaye noveta,” osho a ti ngaho.
Itula okwa ti oshinima osho sha ningwa kupresidente otashi dulika shi yandje oshiholelwa sha nyika oshiponga shokuninga okuteya ekotamhango oshinima sha keshe efiku.
Mangha ta tambula ko efimano lokulwifa oulingilingi, Itula okwa ti ngee oveta oya teywa, kashi li pamilandu doudemokoli waNamibia.
“Onghatu yomondjila okwa li i na okukala okuhoolola minista umwe pakafimbo opo a wilike oministili ei.”
Itala okwa ti vali presidente nakufe moilonga hahendendjai, te mu lundile kutya okwa dopa oku mu pa omayele awa kombinga yaa po paxulila eenghono daye dekotamhango.
“Ngeno okwa li handi yandje omayele kupresidente, ndihe fi omukondjifo waye wopapolitika, ngeno ohandi mu lombwele a kufe tete hahendendjai moilonga molwomayele aye a puka.
Ndee ta fiye po ouminista woikwamina noikwanghono ndee ta ulike minista umwe oye a kufe ko oshinakuwanifa eshi paveta,” osho a ti ngaho.
“Moule weemwedi heyali, ovanambelewa vakula vavali ova kufwa moilonga ile va fiya po oilonga.
Oshinima shi otashi eta omalipulo kombinga yomakonakono apresidente oo a ningila ova ulikwa vaye mangha ine va hoolola.
Osha ninga efimbo Namibia a tameka okunghonopeka omhango yoveta, ndee kashi fi omaukwatya.
Ombelewa yaNandi-Ndaitwah fiyo opapa inai yandja ouyelele tau fatulula etokolo laye ile tau yeleke ngee minista mupe ota ka ulikwa a kufe ko oshinakuwanifa eshi.
Ashike nee nande ongaho, omupopiliko wapresidente Jonas Mbambo Omaandaxa okwa lombwela oThe Namibian kutya nande etomeno lokukufa Ithete moilonga kali na sha nomafeekelo oulingilingi, “omufimanekwa Ithete oku a shii, napresidente naavo kwa li ve lineekelelwa ouyelele ou”.
Presidente wongudu yoLandless People’s Movement (LPM) Bernadus Swartbooi Omaandaxa okwa pula presidente a yandje ouyelele kutya oshike a kufila Ithete moilonga.
“Oupyakadi kombinga yomupedu prima minista naminista mukulu woikwamina noikwameni Natangue Ithete ou li peni, oo a li e na oshinakuwanifa shakula ngaho? Oshike sha ningwa po mbela moule weemwedi hamanao? Otu na oufemba wokushiiva,” osho a ti ngaho.
Swartbooi okwa ti presidente ita dulu okuyandja oilonga kovanhu moshiwana ndee ta lombwele oshiwana kutya okwe
ve lineekela, ashike ngee te va kufa moilonga ote shi ningi paumwene, otashi holekwa.
Okwa ti ombelewa yaNandi-Ndaitwah kai fi ehangano lopaumwene olo li na okwaamena oukwatya waIthete.
“Otwa hala ku unda ngee oupyakadi okwa li omaliumbato apuka. Osha pumbwa omakonakono a wedwa po?
“Ngee oshikumungu shoulingilingi, osha pumbwa omakonakono, ndee ngee oshikumungu shoulingilingi ou fike peni. Itandi ti osho,” Swartbooi osho a ti ngaho.
Okwa ti ngee ekufomoilonga laIthete oli na sha noulingilingi, nena otashi limbililike okukala natango e li momutumba wopashiwana.
Swartbooi okwa ti ota ka kundafana naIthete shaashi ookaume, oukaume oo wa tamekela kehanganao lovalihongi lopashiwana.
Oshoondaxa , omunapaliamente wongudu yoNational unity Democratic Oraganisation Vetaruhe Kandorozu okwa ti presidente ta wilike eliko lopashiwana inashi pitikwa nandenande.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
