“Itatu dulu okufininikwa tu kale opo pu na ovanhu vetu.”
Ohamba yelelo lopamufyuululwakalo wOvaherero Manasse Zeraeua oo e li moshitopolwahoololo shErongo osho a nyamukula ngaha eshi a pulwa kutya oshike ovaleli vamwe vopamufyuululwakalo ngaashi yee tava lele oshiwana shokomikunda ve li meedoolopa.
Ovaleli ava ova kwatela mo Zaraeua noovene vomikunda vashona moNamibia.
Ovo tava wilike omikunda davo mangha ve li meedoolopa otava ti kutya otava dulu okuyakula oshiwana shavo okudja peenhele opo hava di novapedu vavo neekomitiye domomikunda ohadi va pe ouyelele kombinga yaasho tashi linyenge keshe efiku.
Omalelo aa okwa li taa nyamukula komapulo a landula eyasho laI-Ben Nashandi, mwene womukunda Iikokola moshitopolwahoololo shaShikoto koshi yelelo lopamufyuululwakalo laNdonga, oshinima osho sha ningwa omwedi ou.
Nashandi oha kala mOvenduka, omo e na oilonga youkulunhuwiliki wokomisi yokuninga omafaneko opashiwana.
Oshinima eshi oshi li sha sha nande okatukulwa 2(d) kokatendo 25 komudo 2000 komalelo opamufyuululwakalo, oka yeleka nawa kutya ohamba ile mwene womukunda okwa pumbwa okukala e li monhele oyo ta lele.
Zaraeua oku na eumbo mOvenduka olo ha talele po luhapu, ashike okwa ti oha longele kombelewa yaye kOmatjete.
“Ovaleli vopamufyuululwakalo ngaashi ame ou handi di komukunda wetu, nande ihandi kala ko omafimbo ahapu, itatu dulu okufininikwa tu kale momikunda detu, otwa pumbwa okukala hatu kongo eemhito domayambulepo oshiwana shetu keenhele dimwe di lili,” osho a lombwela oThe Namibian oshivike sha dja ko.
Minista mukulu woshimaliwa Iipumbu Shiimi okwa li a ningwa mwene womukunda Ontana u li melelo lopamufyuululwakalo lUukwambia moshitopolwahoololo shaMusati.
Okwa li a landula xee, Aloisius ‘Kuma’ Shiimi, oo kwa li mwene womukunda, u li eekilomita di li lwopo10 konooli yaShakati, fiyo a xulifa muMarsa 2014.
Omunawino moinima ya pamba ondjokonona Kletus Likuwa okwa ti okatendo komalelo opamufyuululwakalo otaka pula ovaleli vopamufyuululwakalo va kale hava di meenhele odo tava lele.
“Oshinima eshi osha faafana nokatendo komalelo eedoolopa omo kamusela a teelelika a kale ha di moshikandjohoololo omo, ashike okwa li tu na oshiningwanima kOmuthiya oko mayola kwa li ha di mOvenduka.
Oshi shiivike nawa moshiwana kutya kamusela oo okwa li a kufwa moilonga,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
