Itatu futu oimaliwa yoshiwana komunhue na eengunga detu – NBC

Ehangano lokwaandjakaneka omawi momhepo laNamibia ledina Namibian Broadcasting Corporation (NBC) ola ti ehangano itali futu oshimaliwa osho la pulwa li fute konima yeenamanana shi fike poN$295 000 komunailonga walo mukulu Johannes |Gaseb.

Ehangano lokwaandjakaneka omawi momhepo lopashiwana oli li mokati keenamanana dopailonga, eshi vati la pulwa li fute omunailonga oo e na eengunga dehangano di fike poN$186 000.

Omukunhuwiliki woipambele yongeshefa woNBC Nico Mwiya oshinima eshi okwe shi popya momukanda woikundaneki wa pitifwa Oshoondaxa u na sha neindilo lomeendelelo lokomhangu lehangano tau pula omhangu i kelele kuha landifwe po eliko lehangano mu dje oshimaliwa shomunailonga mukulu oo ta futilwa.

|Gaseb okwa mona epitikilo okudja komhangu yopombada oivike itatu ya pita a landife po eliko lehangano longushu yoshimaliwa shi fike poN$295 026, olo ombelewa yakula yoipambele yoilonga ya pa |Gaseb eshi a kufwa moilonga shihe li pauyuki ndee ta kanifa oiyemo yaye momudo 2021.

“NBC itaa nye okuuda ko oveta, ile ta ningi oshinima inashi yuka, ashike omunailonga mukulu oku na eengunga doNBC di fike poN$300 000 odo da dja meudafano li na sha nomukuli weumbo wa yandjwa pefimbo kwa li ta longo, oo kwa li sha twalwa komhangu momafiku 07 Novemba 2023,” Mwiya osho a ti ngaho.

Okwa ti oshikumungu eshi paife oshi li momhangu yopombada itashi pula oifuta ei yoshimaliwa shi fike poN$295 000 i kupulweshi, ashike otashi pula ku ningwe eudafano kombinga yoshimaliwa pokati kovanhu aveshe va kwatelwa moshinima omu neameno lomaliko epangelo mangha inaku ningwa etokolo lopaveta.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.