Minista womayambulepo eedoolopa noitopolwa yokomikunda James Sankwasa okwa pula kutya omolwashike ewiliko laHelao Nafidi tali twikile nokukuta omukulunhuwiliki e na omido 70 pefimbo opo oshilongo sha taalela okuhena oilonga kwovanyasha ku li pombada.
Omukulunhuwiliki Inge Ipinge (70), oo e li okandenge kapresidente Netumbo Nandi-Ndaitwah, okwa wanifa eedula 60 momudo 2015.
Okondalaka yaye yoilonga okwa li ya wedelwa oikando ivali, oshikando shaxuuninwa okwa li muJuli 2021, eshi kwa li e na omido 66, osho tashi mu pitike a longe fiyo Aguste 2026.
Oshinima eshi osha ningwa nande omido dokuya moshipundi shetulumuko dopaveta momalelo eedoolopa odi li po60.
Sankwasa okwa lombwela oThe Namibian Omaandaxa kutya “inashi teelelwa” omalelelo eedoolopa a kute omukulunhuwiliki e na omido 70 mangha pu na ovanhu ve na owino vehe na oilonga.
“Itashi shiiva moNamibia, mu na ovanhu vahapu vehe na oilonga ngaha, ndee ku wete omukulunhuwiliki. Itashi shiiva shoo itashi dulika ashike nandenande.
To kutu omunhu e na eedula 70 mangha oshiwana tashi ku kwenene, nasho inashi pumbiwa.
Oshinima ashike shihe fi shiwa,” osho a ti ngaho.
Elelodoolopa okwa li la shiivifa omhito yomukulunhuwiliki petameko lomudo ou ndee ovo kwa li va dja mo okwa li va ningilwa okakonakono koilonga momafiku 02 Septemba.
Ashike nee, oshivike sha dja ko, elelodoolopa natango ola shiivufulula omhito ei moshikundaneki shimwe shomoshilongo.
Mayola waHelao Nafidi Darius Shaalukeni okwa koleka kutya omhito ei oya shiivufululwa molwomapuko amwe a ningwa momilandu dokakonakono.
“Inandi kala po, ashike ondi shi shii kutya okwa li kwa ningwa etokolo kutya nai shiivufululwe.
Kandi shi kutya oshike kwa li sha puka mokakonakono,” osho a ti ngaho.
Eshi a dengelwa a tye sha Omaandaxa, Ipinge okwa tumina oThe Namibian kumayola.
“Ndengela mayola,” osho a ti ngaho.
Eshi a dengelwa a tye sha, Shaalukeni okwa ti okwa li e li moshoongalele.
Momudo 2021, elelodoolopa laHelao Nafidi okwa li la didilika momishangwa dalo kutya okuulika omukulunhuwiliki pefimbo opo itaku shiva shaashi okwa li natango ve li pondodo yokulihonga oipambele yewilikongudu.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
