Omuprima minista Elijah Ngurare okwa shiivifa kutya oshikefa shomayambulepo ovanyasha shedina National Youth Development Fund (NYDF) inashi pumbwa nande omunhu a kale e na epopilo lonhumba.
Okwa li ta popi pefimbo lokupatulula pambelewa oshikefa eshi Omaandaxa koGobabis.
Oshikefa eshi sha kala sha teelelika oule wefimbo otashi lalakanene okukufa po eemwaka moshikondo shokungeshefa.
Ngurare okwa ti ovanhu otava ka pewa efimbo lefilonghenda leemwedi 12 opo eengeshefa davo di dule okuyambuka po va dule okushunifa oshimaliwa shovanhu nawa.
“Kapu na nande epopilo lasha la pumbiwa. Eshi nashi kale sha yela. Omulandu oyou kutya oshikefa shovanyasha nashi kale sha yela shoo nashi kale sha wapalela ovanyasha.
“Ngee otwa mono kutya omilandu itadi vatele, natu di lundulule mouwa wovanyasha Ovanamibia,” osho a ti ngaho.
Ngurare okwa popya kombinga yomikundu odo ovanangeshefa vovanyasha va taalela kombinga yomumbwe yoshimaliwa, eewino inadi wana nosho yoo eemhito da ngabekwa dokungeshefa.
Okwa ti omumbwe yoshimaliwa oi li imwe yomomikundu dakula di li nhee pamwe neewino dokutameka, oungoba nomilandu domaduto oinima ipe.
Eshi kwa li omaindilo a patuluka pefimbo loshikako shotete shomakonakono pokati kefiku lotete Auguste nomafiku 04 Septemba, omaindilo e li 11 475 okwa li a ningwa okudja moitopolwahoololo aishe i li 14.
Ngurare okwa ti eeproyeka di li 6 111 okwa li da konakonwa kombaanga yaNamibia, omaindilo e li 5 070 ounamapya nounaimuna koAgricultural Bank of Namibia (Agribank), neeproyeka tadi amene oushitwe koEnvironmental Investment Fund.
Ngarare okwa fatulula kutya oshimaliwa shokutameka otashi di poN$60 000 nopoN$200 000 notashi ka shinifwa ashike noshoshela yeepe;esenda mbali.
Ngurare okwa holola kutya oshikefa oshi na oshimaliwa shi fike peemiliyona di li N$500, neemiliyona di li N$257 osha yandjwa nale shi longifwe momudo 2025/26.
“Otashi ka fitika omwaka oo wa kala nokushunifa eengeshefa dovanyasha monima. Ndee eshi kashi fi ashike oshinima tashi yandjwa oshali, oshinima tashi yandjwa shi yambule po.
Nyee, ovanyasha vaNamibia omu na okuninga ovatungi veengeshefa, ovatoti voilonga novakwateli komesho voinima ipe,” osho a ti ngaho.
Oshimaliwa otashi ka tulwa moilonga okupitila momahangano oshimaliwa ngaashi DBN, Agribank noEnvironmental Investment Fund, naNamPost okwa teelelika a ka waimine.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
