…Venaani okwa popila eyo lomunyekadi mukulu koiwana ya hanagana
Omuleli wongudu yomilameno yopambelewa McHenry Venaani okwa ti olweedo laMonica Geingos lokuya komutumba woiwana ya hangana nali hambelelwe.
Omapopyo aye aa okwe ya konima ovanhu vamwe va kala nokupulaapula ngee olweedo lomunyekadi mukulu lokuya komutumba oko tuu oko ola longifa oshimaliwa shovafuti voishoshela yepangelo.
Hamushangandjai woiwana ya hangana Antonio Guterres okwa li a ulika Geingos a ninge omupopili weendjodi domayambulepo dopamufika da shiivika nawa nedina Sustainable Development Goals (SGD).
Omunyekadi mukulu okwa li a ulikwa pamwe naMassimo Bottura, omuteleki wothree-Michelin-star nomutoti wehangano ledina Food for Soul, Diane von Furstenberg nosho yo Lilly Singh.
“Monica Geingos eshi a hoololwa kuhamushandjai woiwana ya hangana okwa ninga omuleli wopaunyuni. Oshiwana shetu nashi lihonge okukala itashi shunifa vakwao pedu.
“Natu lihonge okuhafela keshe Omunamibia oo tai komesho nawa. Eshi a ninga omukalelipo wounyuni osha weda ongushu koshilongo shetu, nohatu kala tu holike molwoilonga yaye.
“Okulonga pondodo younyuni ya tya ngaho oshe mu pa efimano,” Omuleli wongudu yoPopular Democratic Movement (PDM) Venaani osho a ti ngaho.
Omukalelipo waNamibia mukulu Pius Dunaiski okwa ti Geingos okwa kala nokunyolulula oilonga yovanyekadi vaNamibia okudja ngaa pefimbo pelesidente Hage Geingob a ya mombelewa.
Okwa ti Geingob okwa li a pitika omukulukadi waye opo a kufe ombinga moinima yepangelo, ngaashi oyoongalele yoKabinete.
Ashike omilandu depangelo otadi ti, okukala a kwatelwa mongudu oyo tai i nomushamane waye kondje yoshilongo inashi puka, Dunaiski osho a ti ngaho.
“Ashike, melunduluko lepangelo, omunyekadi mukulu ota twikile nokweeta omapulo osho she mu ninga a kale e dule nomunyekadi woshilongo paife. Itashi udifa nawa,” Osho a ti ngaho.
Dunaiski okwa ti ovakwashiwana vopaumwene inava kufa ombinga meenghundafana dopambelewa depangelo.
Okwa ti eshi “kashiwa” notashi teya omilandu dakindja depangelo.
“Ohandi tu kumwe naavo ve li ominge nekufombinga moikumungu yepangelo, osho shi li lela ihashi ningwa mounyuni aushe. Opwa pumbwa ouyelele wa fimana pokati koinima yepangelo noinima yopaumwene opo kutungwe po eeveta dimwe depangelo – da shangwa ile inadi shangwa. Oshinima eshi otashi lipulifa ovanhu vamwe ngee opu na sha shopolitika tashi holekwa,” Osho a ti ngaho.
Dunaiski, nande ongaho, okwa ti inashi puka epangelo li yambidide oinyangadalwa yaGeingos yopaunyuni ngee otai ya mbula po oshilongo nokuyandja efano liwa koshilongo.
“Geingos okwa longifa omhito ei okuyandja omahongo omilandu diwa nosho yo okupopila eyokomesho manga taku lalakanenwa omikalo diwa nodopamufika dopaunyuni, onghee nee ekufombinga laye okwa li li na etomeno.
“Ekwatelemo laye okwa li li li pamwe nedanonghandangala laye olo la tambulwa ko ongomupopili wounyuni kombinga yeyambule po nosho yo efikopamwe noukakwashikekookanhu,” Osho a ti ngaho.
Natango, ombelewa yaGeingos oya ti okwa li a mana olweendo lokoBoston nokoNew York, oko kwa li a ya komutumba woiwana ya hangana u na sha neepolohalama domalelo.
Ongomupopili weendjodi domayambulepo opamufika, omunyekadi mukulu okwa li a tala unene keyambulepo lovanyasha, efikopamwe loukakwashikekookanhu nosho yo omayambulepo opamufika.
Okwa popya kombinga yoinima ipe kombinga yoproyeka yogreen hydrogen, ta popile ovanyasha va kwatele komesho eengeshefa nokwa xwaxwameka opolohalama yoBe Free Youth Campus oyo ya kala nokuninga lela nawa.
Geingos natango okwa popya kombinga yelelo lovakainhu nosho yo oundjolowele woomeme koitufi ihapu yopaunyuni.
“Nande okwa kala e na oilonga ihapu, Geingos okwe shi pondola opo a dule okuya komatalelepo e na oshilonga, omo omunhu ile ehangano olo tali ningi oshitufi osho olo hali futu olweeendo nosho yo omulele waye. Ekufombinga laGeingos liwa moivilo yopombada ola ulika elunduluko olo a ninga mokupopila oinima yopaunyuni, unene ngaa okupopila ondjodi yomayambulepo opamufika,” Ombelewa yaye osho ya ti ngaho momukanda Olomakaya.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
