ENYENYETO okwa kundanekwa lya pewelwe okakomisi kokukondjitha iilonga inaayi yela, ano koAnti-Corruption Commission (ACC) oshiwike sha zi ko, sho taku fekelwa ngoka a li nale hamushanga guuministeli womidhingoloko nuupashiyoni, erica Akuenje a li a pula iimaliwa ya ndaambula molweendo lumwe aluke.
Enyenyeto ndyoka kombinga yaashoka tashi fekelelwa Akuenje, ngoka sigo omvula ya zi ko a kala omunashipundi gwoNamibia Tourism Board (NTB) oshe ya sho puuyelele sho aaniilonga naawiliki yiikondo mo-NTB ya li ya ti omuwiliki gwo-NTB, Digu Naobeb newilikongundu itaya wilike we nawa nohaya longele wo pondhipi, ano haya ningile koombunda na oya li wo ya ti Akuenje naye omo e li miilonga ya fa mpoka.
Okakomisi kokukondjitha iilonga ya vundakana, ano ko-ACC oka koleke kutya oka mona enyenyeto lya fa mpoka ihe omuwiliki gwako, Paulus Noa okwa ti otaka tala manga oodokumende ndhoka omanga inaaka tokola onkatu ndjoka tayi ka katukwa. Akuenje okwa kundanekwa a pewelwe otyeke yooN$35 111 koNamibia Tourism Board (NTB) momumvo 2010 ongoshimaliwa sholweendo lwiiwike iyali lwa yile koEuropa koWorld Travel Market Trade Fair.
Sho nee a galukilile kegumbo okuza hoka, otaku fekelwa Erica Akuenje tuu ngoka a li a pula natango oshimaliwa sholweendo olwo tuu ndoka kuuministeli womidhingoloko nuupashiyoni. Oshifo shika shoThe Namibian oshi li shi na ofooloma yepangelo ndjoka ya pulitha nee iimaliwa mbyoka noshu ulikwa sha yela kutya iimaliwa mbyoka oya li ya gandjelwa epitikilo.
Akuenje okwa kundanwa a tumbulile oshiwike sha zi ko kutya iimaliwa yolweendo yooN$50 000 molweendo lwomasiku 14 kayi shi sha natango.
Okwa ti okutala poshipundi mpoka e li nehala hoka a yile oshimaliwa shoka shooN$50 000 kashi shi shi iimaliwa oyindji.
Okwa kundanekwa Erica Akuenje a li a londodha oshifo shika shoThe Namibian sha nyanyangidhe ehokololo ndika nokwa li a tumbula kutya ‘’ngele aantu nee omwa tula edhina lyandje moshifo omanga shi li omukalo gwopamuthika okupewa iimaliwa yolweendo paali nena otandi ke mu futitha”. Momukanda ngoka gwa li gwa nyolelwa omuwiliki gwo-NTB, Digu Naobeb e gu nyolelelwe momasiku 21 Kotoba 2010, ngoka a li nale ominista yomidhingoloko nuupashiyoni, Netumbo Nandi-Ndaitwah okwa li a tya Akuenje okwa pitikwa oku ya komaulikilo ngoka gopaipindi. “Otamu vulu okutsikila nomalongekidho opo naye a vule a ye”, omukanda osho gw ali gu ulika ngaaka.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
