Iigandhi yoondya dhaa sindjala ta yi longekidhwa moshilongo ashihe

OMUPRIMA Minista gwopevi, Marco Hausiku pamwe naanambelewa ye ota ya longo neitulemo oku monena aantu mboka haya ka konga oondya nuushike pendjewo komatoto giiyaga miilando ayihe yoshilongo ekwatho. Ethaneko ndyoka Hausiku eetapo oondyoka lyoku ya ningila omahala mpoka tapa etwa iikulya mbyoka inaa yi halika we.

Iikulya mbyoka ota yi etwa mpoka nopo nee ota yi ka topolelwa aantu mboka. Ethaneko ndika ota li tamekwa nalyo tango moVenduka opo ihe ota li keendululwa miilando ayihe yomoshilongo.Okwa ti iikulya mbyoka ya thanekwa oku keekelwahi komatoto, ota yi falwa komahala gokupungula ngoka , mpoka tayi ka topolwa nawa nokupewa mboka ye yi pumbwa.Hausiku nokakomitee kopaungomba oya li ya konakona omatompelo kutya omolwashike aantu haya yi komatoto, na oya li ya ngongopo omushangwahokololo gwa guma mboka haya yi ketoto lyoko Kupferberg pondje ya Venduka.Etine lyapiti opwa li pwa kundathanwa kombinga yethaneko lyokutulapo iigandhi yiikulya mbyoka ta yi keekelwahi opo mbika yi vule okwetwa mpoka noku hawalekwa nee mboka ye yi pumbwa.Hausiku okwa ti omanga oompungulilo dhoondya ndhika iinaadhi tulwa miilonga, ombelewa ye ota yi ka kundathana noshikondo shomalelo giilando, meya gwa Venduka , Elaine Trepper, gavena gwa Khomas, Samuel Nuuyoma noshowo na Nangula Mbako amushanga omukuluntu mombelewa yOmuprima Minista. Elalakano olyo oku tamekitha ompungulilo yoondya moVenduka, ndjoka ya thanekwa yi kale pehala lyiilonga yopaulumompumbwe poKatutura, mpoka iikulya, mbyoka ngashingeyi ha yi ka tilwahi ketoto, ta yi etwa, opo aantu mboka ya li ha ye ke yi konga hoka yaa ye ko we ndele ya kale ha ye yi hawalekelwa pehala ndyoka. Okwa ti ompungulilo ndjika ota yi kala mewiliko lyepangelo melongelokumwe nomahangano gaashi goholomende.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.