Omunapaliamente wongudu yoPopular Democratic Movement Inna Hengari okwa eta po oshikundafanwa tashi pula okuungaunga noshikumungu sheengunga osho sha taalela Ovanamibian vahapu ovo tava mono oixuna.
Oshikundafanwa eshi okwe shi yandja momutumba wopashiwana Etivali.
Oshikundafanwa shi li koshi oshipalanyole “Okutala koupyakadi weengunga nokulundulula onghalo yoshimaliwa yaNamibia” okwa ti otashi kundafana kombinga onghalo yOvanamibia ovo hava penduka keshe efiku ve li mosysteama yoshimaliwa oyo tai va nyeke shi dulife pwaasho hai va pe, hai monifa oixuna shi dulife okunghonopeka kwayo, nosho yo okufininika ponhele yokuvatela.
Okwa ti hamaungala etate lovanhu unene ngaa mepangelo, ove na omukundu weengunga di li pombada. Oshinima eshi kashi fi ashike omivalu ashike oshinima yoo shi etifa onghenda.
“Ova ovahongifikola ovo va tual eenghalamwenyo davo nokutunga po omadilaadilo ounona vetu, ndee ohava mo no ashike eepelesenda 60 deendjabi davo da ya nale manga nokuli nefiku lokukwata inali fika.
Ava ovapangi ovo hava xupifa eemwenyo omutenya voo tava ka ehela eengunga konguloshi.
Ava ovadali ovo hava ehela va ka lye aashike kashi fi va ka tvikile, ovo ihava ka konga eengunga va ka endaende ashike ohave ke di konga va xupe. Oshinima eshi tu wete kashi fi kashi oidjemo yoinima ya pamba eliko ashike oijdemo yosystema yoshimaliwa oyo ya longwa okuxepeka ovanhu ovo tava mono oixuna,” Osho a ti ngaho.
Omanga ovanhu ve li moluhepo, Hengari okwa ti omahango oimaliwa otaa i komesho nawa.
Oshiholelwa, ehangano ledina Letshego ola lopota kutya ola ninga oiyemo yeemiliyona di li N$199 moule ashike weemwedi hamano momudo 2024. eshi, okwa ti, kashi fi nande ombadi yefimano, oshimbuluma.
Okwa weda po kutya oshinima eshi omukalo woshikondo shoshimaliwa wokunyeka ovanhu ovo ve li momumbwe ya mana mo. “Eesystema detu deembaanga, itai vatele vali okuyambula eemumbwe doshiwana shetu.
Ovayandji veengunga vopambelewa ova tula po oishoshela i li pombada neenghono,” Osho a ti ngaho.
Okwa ti vali ovayandji veengunga ovo inave linyolifa otava longo ashike puhe na omahandukilo, vamwe otava pula nokuli oishoshela yeepelesenda 50, osho tashi eta ombuda neenghono.
“Natu kale twa yelelwa: oupyakadi woshinima eshi inau holekwa, Ovanamibia.
Ovanyasha. Ovanhu ovo tava futwa eendjabi dishona. Ovanhu ovo tava longifwa sha pitilila.
Ndee otashi tala ashike sha fa shihe wetike,” Osho a ti ngaho.
Hengari okwa pula ku yandjwe enyamukulo olo tali dulu okuvatela eembinga adishe.
“Tete natu lundulule okatendo komahangano okumbaanga opo di dule okukala di na oishoshela i li xwepo.”
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
