Minista mukulu wounamapya nounaimuna, eeshi, omeva nomatendululo omadu nomufeekelwa pamwe naye Etitano ovati kave na ondjo moipofa itatu oyo kwa li ye va mangifa po konima yeemwedi nhatu netata.
Hengari (59) nomufeekelwa omutivali (30) ova ti kave na ondjo moshipofa shokuya oveta moshipala, okufuta ombumbo nosho yo okulongela kumwe va fute omunhu a kufe mo oshipofa shoimbuluma shihe li paveta.
Omufeekelwa omutivali ina tumbulwa kedina shaashi omukwapata wa nakutula mo oshipofa shekwatongonga osho sha patululwa nopolifi.
Konima Hengari nomufeekelwa omutivali va ti kave na ondjo moipofa yavo, oshipofa shavo okwa li sha undulilwa komafiku 14 Novemba opo omutamanekindjai a ninge etokolo kombinga yoipofa oyo tava ka tamanekelwa nomomhngu omo tava ka ningila ohokolola yavo.
Epangelo otali ti kutya Hengari nomufeekelwa pamwe naye momafiku 26 Apilili ova futa nakutula mo oshipofa oshimaliwa shi fike poN$220 000 oo kwa li a hangika a tulila mo Hengari oshipofa opo ve mu heke a kufe mo oshipofa osho a tulila mo Hengari.
Hengari nomufeekelwa omutivali okwa li va mangwa po momafiku 26 Apilili nova kala modolongo oule weemwedi di dule punhatu fiyo magestrata Monica Andjaba te va pe obooloha yoshimaliwa shi fike poN$15 000 momafiku 07 Auguste.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
