GIBB ta konakona uupale woondhila

EHANGANO lyuupale woondhila lya Namibia (NAC) olya gandja iilonga yoku konakona iilonga nkene ta ku longululwa nokwoopaleka okapale koondhila kopaigwana kopOndangwa.

Iilonga mbika oya pewa ehangano lyedhina GIBB, lyo ndika olya thikamapo ongo elongelokumwe pamahangano naandyoka lya Lithon Project Consultants. Iilonga mbika ota yi ka kotha oodola oomiliona 1,2. Ota yi ka tala onkalo yiiyalo ayihe mbyoka yili pokapale haka nokutala nkene mbika ta yi longululwa nenge tayi tungululwa opo yi kale pamuthika gwopaigwana unene tuu sho kwa tengenekwa ku ka kale eindjipalo momalweendo gomombepo okuya kiitopolwa yokuumbangalantu na ishewe ekoko momwaalu gwaatalelipo mboka taya ka talelapo moshilongo. Ekonakono onkene ota li ka konenena ondjila hoka haku lambele nokutuka oondhila, ota li tala woo mpoka hapa thikama oondhila uuna opo dha lambele nomanga tadhi helula aapashiyoni nenge tadhi londeke aapashioni. Ekonakono ndika ota li tala woo kombinga yetungo epe lyokuthikila aapashioni uuna ya heluka moondhila nenge lyokupitila aantu omanga inaa ya ka londa mondhila.Kakele kondjila netungo, ekonakono ota li tala wo ishewe nkene omeya gomvula ngoka taga ka thikama kondjila yokungongola nokulambela ooondhila ta ga ka endithwa opo gaa kale ga thikama kombanda yondjila ndjoka nenge ga thikama konima yomatungo ngoka gokapale.Iilonga mbika oya kwatelamo woo ethanekodhiladhilo lyoku humitha komeho omutngilo gwokapale hoka monakuyiwa. Omuwiliki gwiilonga mo GIBB, Jannie Grobler okwa ti iilongithwa yimwe pokapale mpoka, pethimbo ndika oyi monkalo ya pumbwa eyopaleko, shaashi oya loloka omolwa elongitho olindji yo ihaa yi kalekwapo ngaashi osho shina oku kala. Ekonakono ota li tala woo ishewe kutya omukalo gunipo, NAC ena okulongitha oku humitha komeho okapale haka unene sho ka pumbwa etungo epe lyokuthikila aayendi yomoondhila.Ehangano ndika lya GIBB ka kele ko ku longa iilonga mbika olya li woo niilonga yoludhi nduka moSouth Africa, niikwawo ya fa mbyoka mo Uganda, okutulapo iiyalo yuupale.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.