Ewi lyOomeme mOmusati lya hogolola Ewilikongundu epe

E HANGANO lyOomeme lya tseyika nawa moNamibia lyedhina Women Action for Development (WAD), tali wilikwa ku Efolo Veronika De Klerk, li na sha nokuhumitha komeho oomeme mboka unene yomiitopolwa yokomikunda moNamibia alihe noku ya pukulula miinima yokwiihumitha komeho, oli li tali longo unene mokati koomeme yomOshitopolwa sha Musati, moka li na mo oshitayi shoomeme hashi ithanwa Ewi lyOomeme yomOshitopolwa sha Musati (Omusati Women’s Voice).

Oshitayi nee shika sha WAD mOmusati, shedhina Omusati Women’ Voice, Ewi lyoomeme mOmusati, oshi na ewilikongundu ndjoka hali ulikwa nokuhogololwa aluhe pamukalo gwOpademokoli, uuna ethimbo lyokuhogolola nokuhogolulula lya thika. Omasiku ga zi ko, Oshitayi shika sha WAD, ano shEwi lyOomeme mOmusati, osha hogolulula Ewilikongundu lyasho epe, moka sha hogolola meme Wilika Namwele oye a kale Omunashipundi, ano Omuwiliki gwasho noshowo meme Teodensia Aindji e li omupehanashipundi.Meme Hileni Kondjaba oye a hogololwa a ninge Amushanga gwOshitayi shawo shika.Iilyo iikwawo ya gwedhwa po oyo ngashi Marcelina Shipwata, Notburga Mandume, Fillemon Andjamba na Selma Shileka.Oonakuhogololwa mbaka oya li ya ulikwa mOshiithanene sha WAD sha ningilwe pOmahenene mEtine lyoshiwike sha zi ko, shoka sha li sha popithwa kOministeli yUukalinawa nUundjolowele Richard Kamwi nosho wo kOmuwiliki Omukuluntu gwa WAD meme Veronika De Klerk.Kansela gwOshikandjohogololo shAutapi tate Tataati Shileka, Omukuluntukelelipehala gwOsenda ya Mahenene tate Eliaser Negumbo, tate Sackaria Taapopi, omusamane Josef Hausiku gwa Old Mutual ngoka oye a li a kwashilipaleka oshindji sha li pOshiithanene mpoka nosho wo nee kOmunambelewa a za kUumisiteli wUukashikekookantu nUunona tate Kefas Haitembu oya tile wo sha pethimbo ndyoka.Meme Herodia Kamati oye a pandula ayehe ye yile koshiithanene shoka, shoka sha li sha nyenyepekwa noondjimbo nomaudhano gopamuthigululwakalo kOsikola ya Muulukila noshowo ku Mukulu gwa Akwenye nokaalongwa nee yoyene yomOsenda ya WAD ya Mahenene.Omasiku ga zi ko, Oshitayi shika sha WAD, ano shEwi lyOomeme mOmusati, osha hogolulula Ewilikongundu lyasho epe, moka sha hogolola meme Wilika Namwele oye a kale Omunashipundi, ano Omuwiliki gwasho noshowo meme Teodensia Aindji e li omupehanashipundi. Meme Hileni Kondjaba oye a hogololwa a ninge Amushanga gwOshitayi shawo shika.Iilyo iikwawo ya gwedhwa po oyo ngashi Marcelina Shipwata, Notburga Mandume, Fillemon Andjamba na Selma Shileka.Oonakuhogololwa mbaka oya li ya ulikwa mOshiithanene sha WAD sha ningilwe pOmahenene mEtine lyoshiwike sha zi ko, shoka sha li sha popithwa kOministeli yUukalinawa nUundjolowele Richard Kamwi nosho wo kOmuwiliki Omukuluntu gwa WAD meme Veronika De Klerk.Kansela gwOshikandjohogololo shAutapi tate Tataati Shileka, Omukuluntukelelipehala gwOsenda ya Mahenene tate Eliaser Negumbo, tate Sackaria Taapopi, omusamane Josef Hausiku gwa Old Mutual ngoka oye a li a kwashilipaleka oshindji sha li pOshiithanene mpoka nosho wo nee kOmunambelewa a za kUumisiteli wUukashikekookantu nUunona tate Kefas Haitembu oya tile wo sha pethimbo ndyoka.Meme Herodia Kamati oye a pandula ayehe ye yile koshiithanene shoka, shoka sha li sha nyenyepekwa noondjimbo nomaudhano gopamuthigululwakalo kOsikola ya Muulukila noshowo ku Mukulu gwa Akwenye nokaalongwa nee yoyene yomOsenda ya WAD ya Mahenene.