Ongudu yoIndependent Patriots for Change (IPC), oya ti ewedelo leendado domahooli muApiilili “ehepeko” lovakwashiwana.
Minista woikwafaabulika, eemina noikwanghono, Modestus Amutse Etitano okwa shiivifa kutya ondado yopetolola otai wedelwa noshimaliwa shi fike poN$2.50 moliitela nodiisela otai wedelwa noN$4 moliitela okudja mutotete laApiilili.
Ferdinada Hengobe woIPC okwa ti ewedeleo leendado eli itali tambulwa ko notali kondjifafana nomapopyo oo kwa li a ningwa kepangelo kombinga yokukala li na omahooli a wana.
“Eemungulilo domahooli oda nuninwa okwaamena oshiwana, kashi shii ashike okupopya manga oshiwana tashi mono oixuna peepomba.
“Eewedelo leendado laxuuninwa kali shii ashike elunduluko meliko, ashike ehepeko lovanhu ovo tava mono nale oixuna,” Hengombe ta ti momukanda wa pitifwa Etitano.
Okwa ti okuwedela ondado yomahooli, otashi eta neendado doyeendifo di ninge ondilo, tashi eta oikulya i ninge ondilo nokuwedela omikundu dopamaxupilo.
Hengombe okwa indila Amtse a fatulule kutya olyelye ta wilike omahooli oo e li momungulilo a wanena omafiku e li o90, omolwashike itaa longifwa neengheendabala odo epangelo tali tula po li amene oshiwana.
Koshoongalele shoikundaneki Etitano, Amutse okwa ti oshilongo paife ngaha oshi na omahooli a wana notashi longo naavo hava lande omahooli kondje yoshilongo opo va endelelife okulanda omahooli pefimbo.
Ashike nee, oita oyo i li koilongo yokoushilo wopokati, oya pata ondjila yakula yomahooli, pamwe neendado da ya pombada dokweendifa oinima mefuta nomakwashilipaleko, aa twala eendado dokulanda omahooli kondje daNamibia pombada.
MuMaalisa, ondado yokulanda opetolola kondje yoshilongo okwa li yaya pombada neepelesenda di li 57 manga yodiisela kwa li i dulife po luvali.
“Pandodo ei, okulanda inaku piyaanekwa nande manga.
Omukundu ou tu na oweendado ashike da londa, kashi shii omumbwe,” Amutse ta ti.
Minista okwa shiivifa kutya Okabinete oka koleka eepelesenda 50 okudja koishoshela yomahooli okudja muApiilili fiyo omuJuni 2026.
Pakuweda po, epangelo otali ka futa ko eemiliyona di li N$500 keendado da wedelwa dokulanda omahooli kondje yoshilongo okupitila moshikefa shopashiwana shoikwanghono opo li kelele okutwika ovalandi vomahooli omukundu ou.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
