Ewawa lyAagundjuka mo Swapo ota li konakona Kapia na Blaauw

EWAWA lyAagundjuka moSwapo nenge tutye Swapo Party Youth Leage (SPYL) okwa koleke mOmaandaha kutya Amushanga gwa SPYL, Paulus Kapia okwa kuthwa mombelewa konima sho a pewa efudho lyomwedhi.

Etokolo ndika olya ningwa kongundumutima yEwawa lyAagundjuka moSwapo mehuliloshiwike lya zi ko. Ongundumutima ya SPYL oya tokola kutya Kapia na kahewa ke Ralph Blaauw itaya ka kutha we manga ombinga miilonga yi na sha nEwawa ndika okuza mOmaandaha goshiwike shika, Amushanga gwomauyelele mu SPYL, Elijah Ngurare ta tseyitha ngaaka mOmaandaha.Omanga Ngurare a kala nokupopya nomuthindo kutya Ongundumutima oye mu pe owala oshinakugwanithwa shokutseyithila iikundaneki kutya Kapia okwa pewa efudho, na ishewe Kapia na Blaauw oya keelelwa okukutha ombinga miinakugwanithwa yi na sha nEwawa ndika, ihe okwa tindi okupopya pambelewa kutya Kapia okwa kuthwa miilonga pakathimbo.Ngurare okwa popi nokwiikaleka kokule niitya ‘ekuthomiilonga pakathimbo’, molu elombwelo ndyoka a pewa kongundumutima.Ta ti, oshi li ngaaka molwashoka etokolo ndika olya ningwa okupitila momitungilo dhEwawa lyAagundjuka, ihe inashi za paindilo lya Kapia mwene.Etokolo ndika olya ningwa konima sho ongundumutima ya pulakene kuuyelele nokomapopyo ga nkene Kapia na Blaauw ya kutha ombinga moshinima shekano lyoshimaliwa shoomiliyuna odhindji ndhoka dha kanene mu Avid Investments moka wo kwa li kwa popiwa kutya SPYL oku na mo oshipambu oshinene, Ngurare ta popi.Okwa ti kutya Kapia ota kala iha kutha ombinga miinakugwanithwa ya SPYL uule womwedhi notashi vulika ethimbo ndyoka li ka gwedhelwe shi ikwatelela owala kiizemo yomakonakono ngoka taga ningwa kokomitiye ya SPYL ndjoka ya hogololwa kongundumutima mOlyomakaya ga zi ko.Okomitiye yiilyo itano ndjoka ya hogololwa yi ninge omakonakono moshinima sha Kapia na kahewa ke otayi ka lopota kEwiliko lyopashigwana lya SPYL.Okomitiye ndjika otayi wilikwa ku Pohamba Shifeta ngoka e li Omupeviminista mUuministeli wAanyanyamagulu ngoka wo oye a landulwa ku Blaauw moshipundi shuuhamushanga-Ndjayi wOlaata yAagundjuka yOpashigwana nenge tutye Nationa Youth Council (NYC).Okomitiye ndjika yokuninga omakonakono otayi ka konakona ngele edhina lyEwawa nosho wo ndyoka lyOmupresidende gwongundu oga longithwa opo Avid Investments a mone oshimaliwa shoomiliyuna omilongo ndatu (N$30 million) okuza ku Social Security Commission (SSC), Ngurare ta popi ishewe.Omupeha gwa Kapia, Eveline !Nawases oye ta kala peha lya Kapia, Ngurare ta yelitha ngaaka.Oshinima shika osha ningwa konyala pwa piti oomwedhi mbali sho pwa kala nokuningwa omapopyo negandjo lyuumbangi kombinga yekuthombinga lya Kapia na Blaauw mu Avid Investments, okampani ndjoka yaa na uunongo momamapungulo.Otaku popiwa kutya Avid Investments okwa pelwe oshimaliwa shoomiliyuna omilongo ndatu ku SSC eshi pungule mu Januali nuumvo, ihe okwa ndopa okushunitha.Endopo lya Avid okushunitha oshimaliwa shoka pauvathano mu Mei osha tulitha aanapolitika aanene kohi yomakonakono.Kapia okwa kala oshilyo shOlaata (Director) mu Avid okuza mu Apilili omumvo gwa zi ko sigo omu Maalitsa 20 nuumvo.Okwa li wo a kutha ombinga moonkundathana na SSC nelalakano okuuvitha ko SSC a gandje oshimaliwa shoka shi ka pungulwe mu Avid Investments.Blaauw kali nando omuwiliki nenge tutye oshilyo shOlaata mu Avid.Omukulukadhi gwa Blaauw okwa li omuwiliki mu Avid, ihe okwa li peha lyomusamane gwe, omukuluntuwiliki gwa Avid Investments nakusa Lazarus Kandara osho a popi ngaaka mOmpangu yOpombanda pethimbo lyomapulapulo.Blaauw oye wo a li omukwatakanithi pokati ke mwene na Kapia, na ishewe oye wo a eta po edhiladhilo kutya Ewawa lyAagundjuka moSwapo na li pewe oosheya iipewapambu, nakusa Kandara ta popi ngaaka omanga ini idhipaga.Kapia okwa li wo a gandja uumbangi mOmpangu yOpombanda kohi yokatendo kOokampani.Petameko Kapia okwa li ta kambadhala okwiikaleka kokule na Kandara, ta ti inamu tseya nokuli.Ihe konima okwa kaninga shoka Ngurare a popi kutya o ‘U-turn’ (egaluluko) nokuzimina kutya oya kala nekwatathano ewanawa na Kandara nohaya kundathana nokuli olwindji.Kandara nomukulukadhi gwe Christophine Kandara oya gandja uumbangi mOmpangu yOpombanda moka ya popi kutya Blaauw okwa pewa oshimaliwa pegumbo lya Kandara mOvenduka e ta pewa shilwe shoka sha li sha nuninwa Kapia.Blaauw okwa li ishewe a pewa oondola/N$40 000 okuza ku Kandara, Kandara ta popi ngaaka.Oshimaliwa shika Kandara okwa popi kutya inashi za moshimaliwa shoka sha SSC-Avid Investments ihe osha zi momapungulo goshimaliwa shOmina yoshingoli ya Navachab.Edhina lya Blaauw olya li ishewe lya tumbulwa momukanda guumbangi ngoka gwa pewa Ompangu yOpombanda ku ngoka a li nale menindjela gwiinewe mu SSC, Avril Green.Okwa popi momushangwa gwe gwa hugunina kutya Blaauw okwa li e ya kuye po SSC nelalakano okuninga oonkundathana naye opo ya gandje oshimaliwa shika pungulwe mu Avid.Green ta popi kutya okwa lombwelwa ku Blaauw kutya Ewawa lyAagundjuka moSwapo nosho wo Omupresidende Sam Nujoma oye na mo oosheya mu Avid Investments.Omupresidende Nujoma okwa patana nokweekelahi kokule omapopyo ngaka.Ongundumutima ya SPYL oya tokola kutya Kapia na kahewa ke Ralph Blaauw itaya ka kutha we manga ombinga miilonga yi na sha nEwawa ndika okuza mOmaandaha goshiwike shika, Amushanga gwomauyelele mu SPYL, Elijah Ngurare ta tseyitha ngaaka mOmaandaha.Omanga Ngurare a kala nokupopya nomuthindo kutya Ongundumutima oye mu pe owala oshinakugwanithwa shokutseyithila iikundaneki kutya Kapia okwa pewa efudho, na ishewe Kapia na Blaauw oya keelelwa okukutha ombinga miinakugwanithwa yi na sha nEwawa ndika, ihe okwa tindi okupopya pambelewa kutya Kapia okwa kuthwa miilonga pakathimbo.Ngurare okwa popi nokwiikaleka kokule niitya ‘ekuthomiilonga pakathimbo’, molu elombwelo ndyoka a pewa kongundumutima.Ta ti, oshi li ngaaka molwashoka etokolo ndika olya ningwa okupitila momitungilo dhEwawa lyAagundjuka, ihe inashi za paindilo lya Kapia mwene.Etokolo ndika olya ningwa konima sho ongundumutima ya pulakene kuuyelele nokomapopyo ga nkene Kapia na Blaauw ya kutha ombinga moshinima shekano lyoshimaliwa shoomiliyuna odhindji ndhoka dha kanene mu Avid Investments moka wo kwa li kwa popiwa kutya SPYL oku na mo oshipambu oshinene, Ngurare ta popi.Okwa ti kutya Kapia ota kala iha kutha ombinga miinakugwanithwa ya SPYL uule womwedhi notashi vulika ethimbo ndyoka li ka gwedhelwe shi ikwatelela owala kiizemo yomakonakono ngoka taga ningwa kokomitiye ya SPYL ndjoka ya hogololwa kongundumutima mOlyomakaya ga zi ko.Okomitiye yiilyo itano ndjoka ya hogololwa yi ninge omakonakono moshinima sha Kapia na kahewa ke otayi ka lopota kEwiliko lyopashigwana lya SPYL.Okomitiye ndjika otayi wilikwa ku Pohamba Shifeta ngoka e li Omupeviminista mUuministeli wAanyanyamagulu ngoka wo oye a landulwa ku Blaauw moshipundi shuuhamushanga-Ndjayi wOlaata yAagundjuka yOpashigwana nenge tutye Nationa Youth Council (NYC).Okomitiye ndjika yokuninga omakonakono otayi ka konakona ngele edhina lyEwawa nosho wo ndyoka lyOmupresidende gwongundu oga longithwa opo Avid Investments a mone oshimaliwa shoomiliyuna omilongo ndatu (N$30 million) okuza ku Social Security Commission (SSC), Ngurare ta popi ishewe.Omupeha gwa Kapia, Eveline !Nawases oye ta kala peha lya Kapia, Ngurare ta yelitha ngaaka. Oshinima shika osha ningwa konyala pwa piti oomwedhi mbali sho pwa kala nokuningwa omapopyo negandjo lyuumbangi kombinga yekuthombinga lya Kapia na Blaauw mu Avid Investments, okampani ndjoka yaa na uunongo momamapungulo.Otaku popiwa kutya Avid Investments okwa pelwe oshimaliwa shoomiliyuna omilongo ndatu ku SSC eshi pungule mu Januali nuumvo, ihe okwa ndopa okushunitha.Endopo lya Avid okushunitha oshimaliwa shoka pauvathano mu Mei osha tulitha aanapolitika aanene kohi yomakonakono.Kapia okwa kala oshilyo shOlaata (Director) mu Avid okuza mu Apilili omumvo gwa zi ko sigo omu Maalitsa 20 nuumvo.Okwa li wo a kutha ombinga moonkundathana na SSC nelalakano okuuvitha ko SSC a gandje oshimaliwa shoka shi ka pungulwe mu Avid Investments.Blaauw kali nando omuwiliki nenge tutye oshilyo shOlaata mu Avid.Omukulukadhi gwa Blaauw okwa li omuwiliki mu Avid, ihe okwa li peha lyomusamane gwe, omukuluntuwiliki gwa Avid Investments nakusa Lazarus Kandara osho a p
opi ngaaka mOmpangu yOpombanda pethimbo lyomapulapulo.Blaauw oye wo a li omukwatakanithi pokati ke mwene na Kapia, na ishewe oye wo a eta po edhiladhilo kutya Ewawa lyAagundjuka moSwapo na li pewe oosheya iipewapambu, nakusa Kandara ta popi ngaaka omanga ini idhipaga.Kapia okwa li wo a gandja uumbangi mOmpangu yOpombanda kohi yokatendo kOokampani.Petameko Kapia okwa li ta kambadhala okwiikaleka kokule na Kandara, ta ti inamu tseya nokuli.Ihe konima okwa kaninga shoka Ngurare a popi kutya o ‘U-turn’ (egaluluko) nokuzimina kutya oya kala nekwatathano ewanawa na Kandara nohaya kundathana nokuli olwindji.Kandara nomukulukadhi gwe Christophine Kandara oya gandja uumbangi mOmpangu yOpombanda moka ya popi kutya Blaauw okwa pewa oshimaliwa pegumbo lya Kandara mOvenduka e ta pewa shilwe shoka sha li sha nuninwa Kapia.Blaauw okwa li ishewe a pewa oondola/N$40 000 okuza ku Kandara, Kandara ta popi ngaaka.Oshimaliwa shika Kandara okwa popi kutya inashi za moshimaliwa shoka sha SSC-Avid Investments ihe osha zi momapungulo goshimaliwa shOmina yoshingoli ya Navachab.Edhina lya Blaauw olya li ishewe lya tumbulwa momukanda guumbangi ngoka gwa pewa Ompangu yOpombanda ku ngoka a li nale menindjela gwiinewe mu SSC, Avril Green.Okwa popi momushangwa gwe gwa hugunina kutya Blaauw okwa li e ya kuye po SSC nelalakano okuninga oonkundathana naye opo ya gandje oshimaliwa shika pungulwe mu Avid.Green ta popi kutya okwa lombwelwa ku Blaauw kutya Ewawa lyAagundjuka moSwapo nosho wo Omupresidende Sam Nujoma oye na mo oosheya mu Avid Investments.Omupresidende Nujoma okwa patana nokweekelahi kokule omapopyo ngaka.