Etokolo lokomisi yomayakulo oshiwana lokwaalula ovanambelewa ve li o-16 molweewino davo da pumba ola eta omasheko kombinga yokuulika okaaume papolitika nonghalo yovanyasha vehe na oilonga itai lunduluka.
Omunashipundi wokomisi yomayakulo oshiwana Patrick Nandago, Omaandaxa okwa ti etokolo okwa li la kufwa shaashi eewino da tya ngaho “oda pumbiwa momayakulo oshiwana”.
“Omwaalu woilyo i li o-16 oyo ya wanifa omido o-60 okwa li waalulilwa momayakulo oshiwana nande ova wanifa eedula dokuya moshipundi shetulumuko shaashi ove na eewino da pumba nounongo wa pumbiwa momayakulo oshiwana,” osho a ti ngaho.
Nandago okwa ti oshinima eshi oshi li paveta nohashi ningwa paemhito opo owino wa fimana uhe po momahangano epangelo.
Okwa ti etwikilo loilonga ei ola pumbiwa opo eyandjo lomayakulo li twikile.
‘OILONGA YOOHAILWA’
Omuleli wongudu yoIndependent Patriots for Change (IPC), mopaliamente Imms Nashinge okwa ti oveta oya yela nawa, ashike “omalipopilo inaa yela”.
“Keshe omunhu na fiye po oshikondo shomayakulo oshiwana ngee a wanifa omido o-60.
Okuwedela ko oohailwa konima yomido odo, kaku shi oufemba, oshinima sha nuninwa oohandimwe,” osho a ti ngaho.
Nashinge okwa ti oveta otai popile ashike oshinima eshi ngee shi li lela mouwa womayakulo oshiwana, ndee osha pumbwa ediminino okudja komuprima minista “ngee sha popilwa kokomisi yomayakulo oshiwana, ndee omunhu ita koyelele nee pomido o-67”.
Okwa ti oveta ei kakwa li nande ya ningilwa okuyeululila ovanapolitika vongudu taipangele omivelo.
Okwa pula osho ta ufana “epulo itali dulu okudimbiwa” olo epangelo loSwapo la anya okunyamukula.
“Eewino da tya ngahelipi da pumba di li kovanhu ava ve li o-16, itadi dulu vali okumonika moshikondo shomayakulo oshiwana shi na ovanailonga ve dulife po100 000? Ohatu lombwelwa ovapangeli nava alukile moilonga konima va wanifa omido dokuya mopendjela, ndee oshilongo natango osha tula eebiliyona dihapu moiputudilo yomadeulo opaungoba,” osho a ti ngaho.
Okwa ti vali ngeno oshinima eshi okwa li shi na sha neewino shi li, ngeno oshikondo shopaumwene osho sha pumbwa ovanhu ve na ounongo nasho ngeno otashi alula ovanhu ovo va hanga omido dopendjela.
“Eshi kashi na sha neewino. Oshi na sha nokufimanekwa, oshi na sha nokupandulwa, oshi na sha noilonga yoohailwa.”
Nashinge okwa ti okwiimba ovanyasha vaye pombada melelo nelipopilo kutya “kave na eewino” okuteya ekotamhango meyukililo.
“Namibia i na pumbwa eewino, Namibia ke na ashike ehalo lopapolitika a efe ovanyasha va lele,” osho a ti ngaho.
Kamusela wongudu yoLandless People’s Movement (LPM) koMariental William Minnie, okwa ti oshinima eshi “oshidjuu okupopila kutya opu na omumbwe yeewino”.
“Momayakulo oshiwana nomoshiwana omu na ovanhu vahapu ve na eewino notava dulu, ovo ve lilongekida okuya peenghatu delelo,” osho a ti ngaho.
Minnie okwa ti oshikumungu shoovene kashi shii omumbwe yeewino, ashike ehalo lokulineekelela ovanhu vape oinakuwanifa.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
