Epangelo oli hadi unene eekomitiye, osho sha eta ovanhu vamwe va kale tava longo oilonga ya faafana nokukateka eyandjo lomayakulo.
Oshinima eshi osha popiwa komundjadjukununi woikwapolitika Rui Tyitende.
Okwa li ta popi kombinga yeshiivifo longudu tai pangele lokuhoolola ongudu yovapekapeki novayandjimayele.
“Otu na onduba yeekomitiye, ovayandjimayele, ovakulunhuwiliki novayandjimayele va fimana. Otu na lela ongudu yovanhu ovo vehe shii oinakuwanifa yavo,” osho a ti ngaho.
Euliko longudu yovapekapepeki novayandjimayele loSwapo ole ya konima yomwedi eshi presidente Netumbo Nandi-Ndaitwah a ulika oungudu vowina voilonga yopakafimbo tava lalakanene okukwatela oinyangadalwa ya fimana komesho ngaashi okwaalula eliko, oundjolowele nedu nomaumbo.
Tyitende okwa pula ongushu yomalutu oo, ta ti kutya eemininistili nomahangano ee na nale ovanambelewa hava futwa okulonga oilonga oyo tuu ei.
“Onde lineekela eshi kashi fi ashike okuyandja po oilonga. Kapu na omunhu a hala okukalela po oinima.
Osho shi li ngaho,” osho a ti ngaho.
Omupedu hamushangandjai woSwapo Uahekua Herunga, nande ongaho, okwa fatulula kutya eengudu dowina doilonga ile eekomitiye da ulikwa kupresidente odi lile po okutula omukandaudaneko wongudu moilonga, omangha ongudu yokuninga omapekapeko nokuyandja omayele i lile po okukwashilipaleka kutya omukandaudaneko owa wanifwa po.
“Aa omahangano ile omalutu avali a yooloka. Limwe ohali longele epangelo mangha limwe hali longele ongudu.
Ongudu yovapekapeki novayandjimayele oi lile po okuuya po nomanyamukulo ile omafaneko oo e na tete okudiminwa konguduwiliki yongudu nokongudumutima,” osho a ti ngaho.
Mongudu ei yokuninga omapekapeko omu na omukulunhuwiliki welelo laVenduka Moses Matyayi, omukulunhuwiliki wehangano loupale veedila laNamibia Bisey Uirab, omukulunhuwiliki wEpangelo Mining Company Eliphas Hawala, Kapena Tjombonde, Mally Likukela, Jason Kasuto, Theo Kandetu, Kalumbi Shangula naEddie Kafita, aa omadina ashike ovanhu vamwe ovo ve shiivike nawa ashike havo aveke.
Tyitende okwa ti kapu na sha shipe sha teelelika shi dje mongudu ei yovapekapeki yoSwapo.
“Kapu na eshi tashi di mongudu yovapekapeki novayandjimayele yoSwapo kakele ashike okuduta po omukandaudaneko,” osho a ti ngaho.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
