Oministili younamapya nounaimuna oya ekelashi omapopyo kombinga yomukifi wekondo nelaka.
Eshi osha landula engwangwano la etwa komukanda wokoikundaneki wa shangwa koWindhoek Gymnasium High School.
Eshi okwa li sha popiwa momukanda wokoikundaneki Etivali, wa shangwa komupopiliko woministili younamapya nounaimuna, Eeshi, Omeva nOmatendululo omadu, Romeo Muyunda.
Oministili oya ti eyeleko eli ola landula engwangwano konima oWindhoek Gymnasium ya pitifa ouyelele kombinga yomukifi weenyala, eemhadi nokanya oo hau kwata unene ounona, wa didilikwa pofikola.
“Omikifi edi mbali luhapu ohadi ngwangwanekwa shaashi odi na omadina a faafana, ashike oda yooloka filufilu, inadi pumbwa okungwangwanekwa,” oministili tai ti.
Omukifi weenyala, eemhadi nokanya owa sha.
Ohau kwata unene ounona nohatu tandavele okupitila momakwatafano, omukolo, eshikisha ile peenhele pwa li omunhu e u na, oministili osho ya ti ngaho.
Omadidiliko aa kwatela mo oupyu, oipute kokanya noumbulwa keenyala nokeemhadi.
Oministili oya ti omukifi ou owovanhu ndee kau na sha nande ekwatafano la sha noinamwenyo ile noundjolowele woinamwenyo.
Omukifi wekondo nelaka, ohau kwata ashike oinamwenyo.
Ohau tandavele mokati koinamwenyo oyo i na omakondo ngaashi eengobe, oikombo, eedi noingulu, oministili osho ya ti ngaho.
Oya ti omukifi wekondo nelaka otau dulu okudenga eliko neenghono moshikondo shoinamwenyo ndee kau shii omukifi wovanhu nandenande.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
