Epangelo nali kondolole ofilima ya ‘Where Others Wavered’

E WAWA lyaanyasha moSwapo nenge tutye Swapo Party Youth League (SPYL) olya indile Uuministeli wEliko nosho wo wOmauyelele nIikwakutumwa mombepo kutya tadhi kondolole meukililo iilonga yofilima (okino) ya Nujoma yedhina ‘Where Others Wavered’.

Ofilima ndjika oya kala nokupiyaganekwa kompumbwe nenge tutye kevundakano lyoshimaliwa okuza owala sho ya tameke okukwatithwa mOvenduka momasiku 25 Apilili nuumvo. Pethimbo ta popitha iikundaneki mOvenduka, Amushanga gwomauyelele gwa SPYL, Tjitunga Elijah Ngurare okwa indile kooministeli ndhoka mbali opo dhi kale dha mona kutya Pacon oteshi enditha nawa mofilima ndjika pashimaliwa.Ngurare okwa popi ngeyi kutya SPYL okwiikwata aayaluli yatatu ya Pacon mboka taya longo moproyeka yofilima ndjika.Pauyelele wongundu yaanyanyamagulu yoSwapo oshimaliwa shi li pokati koondola/N$75 000 nomiliyuna osha tulwa moshiketha shiimaliwa yesiku kehe, ano moka ha mu kuthwa oshimaliwa tashi longithwa miinima iishona.”Otwa piyaganekwa nokuuvithwa nayi okuuva nokumona pamakonakono ngoka twa ningi po kutya oshimaliwa shofilima ndjika otashi longithwa nayi,” Ngurare ta popi.Okwa popi kutya ehangano lyawo otali indile lya mana mo opo ofilima ndjika niilonga yayo yi ningwe meimonikilo, muushili, edhigininino lyoshimaliwa nosho wo yilwe.Ta ti kutya aantu mboka taya longo mofilima ndjika naya talike ko naanaa yethikepamwe.Ngurare okwa li iikwata oshinima shoka kutya oonakuninga ofilima ndjika oye na oshimaliwa shi li pokati koondola/N$75 000 nomiliyuna oshi li eikwato enene nomwashoka ofilima ndjika otayi longitha oshimaliwa oshinene shEpangelo.Ta ti omolwa etompelo ndika, oshimaliwa oshi na okukwatwa nawa ku mboka ye shi na opo omilandu dhi ende nawa.”Kongashiingeyi oshinima shika katu shi uvite nawa,” ta popi.Ta ti okutuma osipana ontshona okuza kuuministeli wEliko opo yi ka kuthe ombinga melongitho lyoshimaliwa mofilima ndjika otashi kala enkondopeko lyekwashilipaleko lyeimonikilo miilonga yofilima.Kepulo, Omukuluntuwiliki gwofilima ndjika Uazuva Kaumbi okwa popi kutya ye ke na nando ontseyo ya sha tayi ulike omatumpakano ga sha moshikondo she.Okwa popi kutya ina hala okuya moompata nongundu yaanyanyamagulu yoSwapo sigo ta konakona omushangwa.Kaumbi ina gandja nando okomenda ye moshinima shika.Ashike okwa popi kombinga yiilonga mbyoka ya longwa po mekwatitho lyofilima mehuliloshiwike.Ta ti iilonga otayi ende nawa, naaniilonga oya shuna ishewe miilonga konima yoluthuwo lwesiku limwe mOmaandaha.Ta ti, otashi vulika ya kale ya mana oopelesenda 75 mOlyomakaya nenge mOsoondaha.Omudhani gwoofilima asimana OmuAmerika gwedhina Carl Lumbly ota ka kala owala mu Namibia kombinga yofilima ndjika sigo omomasiku 22 Juli, molwashoka ota ka ya komakwatitho goofilima dhilwe.Lumbly ota dhana onkandangala mofilima ndjika pehala lya tatekulu Sam Nujoma.Ashike Kaumbi okwa popi kutya sho esiku lyokushuna kwa Lumbly tali ka thika oshitopolwa she otashi ka adhika nale sha pwa okukwatithwa.Kaumbi okwa dhiki oonyala mevi kutya pamathano otashi vulu okupwa pethimbo.Petameko Epangelo olya gandja oshimaliwa shoomiliyuna omulongo nantano (N$15 million) ong’etameko.Mu Mei oya li ishewe ya gandja omiliyuna moluupyakadhi woshimaliwa mboka wa li wa adha ofilima, omanga Epangelo inali tokola okugandja oshimaliwa sha gwedhwa po shoomiliyuna omilonga ndatu nantano (N$53 million).Oshinima shika osha ningi nee Epangelo li kale lya gandja oomiliyuna omilonga ntano nayimwe (N$51 million).Pethimbo ta popitha iikundaneki mOvenduka, Amushanga gwomauyelele gwa SPYL, Tjitunga Elijah Ngurare okwa indile kooministeli ndhoka mbali opo dhi kale dha mona kutya Pacon oteshi enditha nawa mofilima ndjika pashimaliwa.Ngurare okwa popi ngeyi kutya SPYL okwiikwata aayaluli yatatu ya Pacon mboka taya longo moproyeka yofilima ndjika.Pauyelele wongundu yaanyanyamagulu yoSwapo oshimaliwa shi li pokati koondola/N$75 000 nomiliyuna osha tulwa moshiketha shiimaliwa yesiku kehe, ano moka ha mu kuthwa oshimaliwa tashi longithwa miinima iishona.”Otwa piyaganekwa nokuuvithwa nayi okuuva nokumona pamakonakono ngoka twa ningi po kutya oshimaliwa shofilima ndjika otashi longithwa nayi,” Ngurare ta popi.Okwa popi kutya ehangano lyawo otali indile lya mana mo opo ofilima ndjika niilonga yayo yi ningwe meimonikilo, muushili, edhigininino lyoshimaliwa nosho wo yilwe.Ta ti kutya aantu mboka taya longo mofilima ndjika naya talike ko naanaa yethikepamwe.Ngurare okwa li iikwata oshinima shoka kutya oonakuninga ofilima ndjika oye na oshimaliwa shi li pokati koondola/N$75 000 nomiliyuna oshi li eikwato enene nomwashoka ofilima ndjika otayi longitha oshimaliwa oshinene shEpangelo.Ta ti omolwa etompelo ndika, oshimaliwa oshi na okukwatwa nawa ku mboka ye shi na opo omilandu dhi ende nawa.”Kongashiingeyi oshinima shika katu shi uvite nawa,” ta popi.Ta ti okutuma osipana ontshona okuza kuuministeli wEliko opo yi ka kuthe ombinga melongitho lyoshimaliwa mofilima ndjika otashi kala enkondopeko lyekwashilipaleko lyeimonikilo miilonga yofilima.Kepulo, Omukuluntuwiliki gwofilima ndjika Uazuva Kaumbi okwa popi kutya ye ke na nando ontseyo ya sha tayi ulike omatumpakano ga sha moshikondo she.Okwa popi kutya ina hala okuya moompata nongundu yaanyanyamagulu yoSwapo sigo ta konakona omushangwa.Kaumbi ina gandja nando okomenda ye moshinima shika.Ashike okwa popi kombinga yiilonga mbyoka ya longwa po mekwatitho lyofilima mehuliloshiwike.Ta ti iilonga otayi ende nawa, naaniilonga oya shuna ishewe miilonga konima yoluthuwo lwesiku limwe mOmaandaha.Ta ti, otashi vulika ya kale ya mana oopelesenda 75 mOlyomakaya nenge mOsoondaha.Omudhani gwoofilima asimana OmuAmerika gwedhina Carl Lumbly ota ka kala owala mu Namibia kombinga yofilima ndjika sigo omomasiku 22 Juli, molwashoka ota ka ya komakwatitho goofilima dhilwe.Lumbly ota dhana onkandangala mofilima ndjika pehala lya tatekulu Sam Nujoma.Ashike Kaumbi okwa popi kutya sho esiku lyokushuna kwa Lumbly tali ka thika oshitopolwa she otashi ka adhika nale sha pwa okukwatithwa.Kaumbi okwa dhiki oonyala mevi kutya pamathano otashi vulu okupwa pethimbo.Petameko Epangelo olya gandja oshimaliwa shoomiliyuna omulongo nantano (N$15 million) ong’etameko.Mu Mei oya li ishewe ya gandja omiliyuna moluupyakadhi woshimaliwa mboka wa li wa adha ofilima, omanga Epangelo inali tokola okugandja oshimaliwa sha gwedhwa po shoomiliyuna omilonga ndatu nantano (N$53 million).Oshinima shika osha ningi nee Epangelo li kale lya gandja oomiliyuna omilonga ntano nayimwe (N$51 million).