ENGEN Namibia okwa tseyitha omuwiliki gwe gwotango omukiintu, ngoka ta ka kala nokuwilika ehangano ndika miilonga yalyo moshitopolwa shomayakulo moka hali longo.
Nangula Hamunyela okwa li nale omuwiliki gwa Nedloans Nedbank Namibia, oshitopolwa shomikuli dhopaumwene. Ehangano oya ti omuulikwa gwalyo ota faalele uunongo mboka a gongele pethimbo a longo mehangano lyiimaliwa. Olya tsikile lya ti Hamunyela okwa yi mewiliko lyehangano ndyoka pethimbo lyomathigathano mehumokomeho lya Namibia unene tuu moshitopolwa shokugandja omahooli.Pethimbo ndika ehangano olya hala okwiinyenga oku ya komeho mekoko lyalyo.Hamunyela okwa pandula ongundu ya Engen omolwa ekoko ewanawa ndyoka yeetapo mehangano uule womimvo ntano, pethimbo, ndyoka ehangano olya koko oku za pooperesenda 25 oku ya pooperesenda 35.Ehangano olya ti monkalo yethigathano lya dhiginina opena okulongwa nawa nondunge opo li gamene ehala lyalyo momahupilo noku kokeka ongushu yooyene yalyo.Hamunyela kombinga ye okwa ti ehangano ota li ka adha omalalakano galyo uuna lya longitha oonzo dhawo nuukeka.
