Elombwelo loministili yoikwafaabulika, eemina noikwanghono tali lombwele ovalandifi vomahooli va shi ya ko novopokati va landife omahooli Etivali ndee tava fimaneke eekondalaka odo da hangika di li metifa inali fika oovene voyeendifo pefimbo, ovo va kala ve li momikweyo diledile navamwe okwa li va shuna nokuli komaumbo inava nwefa omahooli shaashi oitaashi yomahooli kaya li i na mahooli.
Melombwelo lomeendelelo la pitifwa potundi 19h00 Etivali, minista woikwaghono Modestus Amutse okwa ti ovalandifi aveshe vomaahooli nava xulife po okukala inava hala okuyandja omahooli owina va teelela eendado di ye pombada onghela.
Ashike nee, elombwelo e li inali uya pefimbo koovene voihauto vahapu ovo va kala nale tava kongaakonga oitaashi yomahooli oyo i na omahooli.
“Oministili oya yandja elombwelo tali ti oitaashi yomahooli nai yandje omahooli, ashike olo elombwelo ashike, kapwa li nande onghatu ya sha konima yelombwelo olo.
Ile kapwa li nande elombwelo le ya diva kutya oitaashi aishe nai landife omahooli,” Sem Billy David osho a lombwela oThe Namibian ngaho onghela.
David, oo a li umwe womovashingi veetuwa ovo kwa li tava longo noudjuu eshi va hala okunwefa eetuwa davo omahooli Etivali, okwa ti elondwelo kovalandifi vomahooli konima yomafiku atatu ngeno ola dula okwaamena ovalandi.
“Ngee oto li tumu ashike eshi ku na ominute dishona manga ondado inai ya pombada, ku na eshi wa ninga po ngaho,” osho a weda po ngaho.
Elombwelo okudja koministili ole ya konima ehangano ledina Fuel and Franchise Association la lopotela minista kutya oitaashi yomahooli inai mona omahooli ayo okudja kovalandifi va shi ya ko.
“Ngee ovo hava landifa omahooli inava hala okwaayandja nena (31 Maalisa) ndee tave a pitifa mongula (01 Apiilili) nelalakano lokumona oiyemo ihapu, nena oshinima shi li ngaho otashi imbi oshilongo shi kale shi na omahooli a wana,” Amutse ta ti.
Okwa ti ovalandifi vomahooli aveshe nava twale omahooli ovanhu oo a tulilwa mo nale omaindilo kwaavo ve liufa komilandu dokufuta.
Okwa weda po kutya ovalandifi vomahooli vopokati navo inava ngabeka okulandifa omahooli vateelele eendado di ye pombada.
“Ngee omakonakono opambelewa okwa mono kutya ovakufimbinga vamwe inave liumbata nawa ndee tashi i omaahooli opashiwana moshipala, nena oku na okukatukwa onghatu,” minista ta ti.
Ovalandifi vomahooli va shi ya ko otava ka pumbwa okuyandja etomeno kutya oshike inava landula omalombwelo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
