Elelodoolopa laRehoboth ola ti kali na nande oshinakuwanifa shopaveta shokunyamukula oinima yoshiwana komalungula kombinga yokufuta omunailonga walo mukulu oshimaliwa shi fike pomiliyona N$1.8 ngaashi omhangu yopombada ya pula shi ningwe.
Elelodoolopa ola kanifa oshipofa shoipambele yoilonga ihe li pauyuki momhangu yopombada osho kwa li sha tulwa mo komunailonga mukulu Bertha Drotsky momudo 2018.
Omhangu oya ninga etokolo tali popile Drotsky nometokolo la yandjwa neudo oya pula elelodoolopa li fute Drotsky oshimaliwa shi fike pomiliyona N$1.8. Elelodoolopa nande ongaho, itali dulu okufuta shimaliwa eshi notali ka landife po oyeendifo yalo itano nembakumbaku li fute oshimaliwa eshi.
Oshiwana osha kala nokuponokela kepandja lelelodoolopa komalungula tashi pula omapulo kombinga yoshikumungu eshi shaashi oinima ei tai landifwa po oyoshiwana notai ka kuma eyandjo lomayakulo nai.
Metumwalaka la nyolwa Etinano, elelodoolopa ola ti epandja lalo lopambelewa lokomalungula olo kuyandja omauyelele koshiwana nokukundafana, ndee kali fi nande loinima yopaumwene, omalaka akaka noipopya inai yuka.
“Elelelodoolopa laRehoboth ola tambula ko etokolo lomhangu yopombada lomafiku aa loifuta ya kwatela mo omunailonga mukulu.
Ohatu yeleke nefimaneko kutya pokati komukulunhuwiliki namayola kapu na nande omunhu a pulwa paveta a nyamukule koinima yoshiwana komalungula kombinga yoshikumungu eshi,” etumwalaka osho la ti ngaho.
Konima a pulwa komalungula kumayola mukulu Emrico Junius kombinga yomulandu ou, omukulunhuwiliki Ronal Windswaai osho a nyamukula ngaho.
Ovakwashiwana vamwe ova landula ko. Elelolodoolopa ola nyamukula kutya omakwatafano aeshe opambelewa otaa ka yandjwa okupitila pamilandu dopambelewa.
Etumwalaka ola ti vali ombelewa yokuyandja omauyelele koshiwana inai indika nande ovanhu kepandja lelelodoolopa komalungula ngaashi tashi tongwa ashike omatumwalaka outondwe nomalushindo otashi dulika a ete omunhu a indikwe kuFacebook yee mwene.
Elelodoolopa otali pula oshiwana shi twale omanyenyeto a shangwa, shi ninge omaindilo eenghundafana nokukufa ombinga moyoongalele yoshiwana.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
