Eihempululo lya Schiefer’s lya hololwa

EIHEMPULULO lyomumati omugundjuka gwomoKhomasdal ngoka ta hokololithwa noku fekelwa kohofa yopombanda kutya okwa dhipaga aakuluntu olya hololwa mohofa yopombanda moVenduka oshiwike shika. Nando oongaaka Romeo Schiefer ota tsikile nokutinda kutya oku na ondjo meso lyooyina nahe. Meihokolo lye Schiefer’s okwa zimine kutya oye a yaha yina noshowo he megumbo lyawo.

Niitya mbyoka, Schiefer okwa tameke eihempululo komeho gomupolisi omukuluntu momasiku 19 ga January 2008. Oshikalimo sheihumpululo ndika osha li sha hololelwa omupanguli, Naomi Shivute pethimbo iihokolola ya Schiefer ya tamekulula mohofa yopombanda ya Venduka omaandaha ngaka. Eihokololo ndika okwa li lya ziminwa kohofa kutya olyo uumbangi komeho, muAguste omumvogu. Schiefe[23] okwa li a ti kena ondjo medhipago lya yina na he Frans na Francina Schiefer [50] megumbo lyawo moKhomasdal moVenduka ongulohi yomasiku 18 January 2008. Schiefer monkambadhala ye oku keelela eihempululo lye li ekelwehi lyaa yalulwe ongo uumbangi okwa li a lombwele ohofa kutya ye aniwa okwa tilithwa kopolisi opo agandje omushangwahokololo gwe, komeho ga Detective Chief Inspector, Gerrit Viljoen. Sho a holokele mompangu mu April omumvo gwayi, okwa li a tindi oku yamukula omapulo kombinga yeihempululo lye. Schiefer okwa lombwelele Viljoen kutya okwa li a ndopa ongundu 10 momumvo 2006, na okwa li teendulula iilongwa ye omumvo 2007 okupitila mo Namcol,osho sha lombwelwa omupanguli Shivute omaandaha. Okwa li a ndopa okugandja iilonga ye yiilongwa ine koNamcol naashika osha geyeke yina noonkondo.Okwa li a tegelela oku taamba iizemo yomakonakono ge oku za ku Namcol mo 21 January 2008.Omasiku 18 ga January 2008 okwa li megumbo sho yina emuula nayi nokwe mu lundile kutya kena shoka a hala oku ninga, na aniwa ota hepeke ashike iimaliwa ye, teendagula no itaa ningi sha. Okwa ti oohapu ndhoka odhe mu geeke, nokwa tokola kutya shoka osha gwana, osho a li a lombwele Viljoen.Shoka sha landulako konima yaashika otashi zitha omahwilili. Schiefer okwa yi mokasikopa moka hamu kala oombele noku kuthamo yimwe. Okwa tsu yina ndele keshi kutya openi, okwa yi kondunda ya he mo aadha he a lala. Okwa edhile omweelo okwa yi mosikopa yiikutu noku kuthamo ondjembo yombistoli.Okwa ti okwa li ta lili nehodhi limwe olya ndondele kuhe nokwa inyenge, opo mpoka Schiefer okwa ti okwe mu yaha, a longitha oshigwilo moka omo mwa pitile oholo. Okwa zimo mondunda nokwaadha yina eli natango mokombitha. Okwa yi pondje yokombitha , nopompoka yina okwa edhile omweelo gwokombitha, Okwa tsikile a ti okwa umbu ooholo ndatu nenge ne dha tyuula momweelo. Okwa egulula omweelo komatha nokuyameni. Okwa ti okwaadha yina a ya mondunda yawo yoku lala nomweelo ogwa li gwa pata. Okwe gu thangapo nokuya meni. Okwa umbu oshikuti shimwe mombanda na yina okwe mu tondokele nopo mpoka okwe mu yaha iikando yontumba. Omanga eli meni okwa tameke ishewe okutsa yina ndele keshi wo kutya iikando ingapi eshi ningi. Okwa ti okwa thigi ombistoli poshitaafula mokombitha. Okwa ti konima yaayihe mbyoka okwa zimo megumbo pamwe na kuume ke. Lwopo yimwe yuusiku okwa dhengelwa kumumwayina ngoka ati kegumbo oku na uupyakadhi. Ohofa oya uvu kutya omusamane Schiefer okwa adhika asa kombete ye omanga omukadhi okwa li asila pevi mondunda omo tuu moka, okwa li a yahwa lwiikando omugoyi okwa li woo ena oshitekela shombele mothingo ye. Schiefer okwa hulitha eihempululo lye ku Viljoen a ti okwa fa ena sha shapuka. A ti okwa li a talelepo omuhungimwenyo omalupita. Ihokolola oya tsikila.

In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch. It’s an essential way to stay informed. Subscribe and join our newsletter community.

The Namibian uses AI tools to assist with improved quality, accuracy and efficiency, while maintaining editorial oversight and journalistic integrity.